Наўруз

Наўру́з (ад перс.: نوروز — «новы дзень»), альбо Міжнародны дзень Наўруз^[1] (21 сакавіка) — свята новага года па астранамічным сонечным календары ў іранскіх і цюрскіх народаў. Наўруз з’яўляецца нацыянальнай традыцыяй, што не мае прамых адносін да ісламскіх звычаяў^[2].

Святкаванне Наўруза ў Курдыстане

Паходжанне гэтага свята сыходзіць сваімі каранямі ў дапісьмовую эпоху гісторыі чалавецтва. Афіцыйны статус ён набыў у Ахеменідскай імперыі, як рэлігійнае свята зараастрызму. Працягвае адзначацца і пасля арабскіх заваяванняў. У цяперашні час адзначаецца ў дні, на якія прыходзіцца вясновае раўнадзенства.

Варта адзначыць, што Наўруз не святкуецца арабамі. У Турцыі з 1925 па 1991 год афіцыйна святкаванне Наўруза было забаронена. У Сірыі святкаванне Наўруза забаронена да гэтага часу.

30 верасня 2009 года Наўруз быў уключаны ЮНЕСКА ў Спіс нематэрыяльнай культурнай спадчыны ЮНЕСКА, з гэтага часу 21 сакавіка абвешчана як Міжнародны дзень Наўруз^[3].

Зноскі

1. «Международный день Навруз 21 марта». Артыкул з расійскай версіі сайта ААН.
2. Институт научной информации по общественным наукам (Российская академия наук). Россия и мусульманский мир, Выпуски 1-3. — Институт, 2008.
3. Артыкул пра Наўруз на афіцыйным сайце ЮНЕСКА

Спасылкі

• На Вікісховішчы ёсць медыяфайлы па тэме Наўруз