Нача (Ляхавіцкі раён)

У паняцця ёсць і іншыя значэнні, гл. Нача.

На́ча^[1] (трансліт.: Nača) — аграгарадок у Ляхавіцкім раёне Брэсцкай вобласці Беларусі. Цэнтр Начаўскага сельсавета.

Аграгарадок Нача Комплекс былой сядзібы. Краіна Беларусь Вобласць Брэсцкая Раён Ляхавіцкі Сельсавет Начаўскі Каардынаты 53°02′09″ пн. ш. 26°25′26″ у. д.HGЯO Насельніцтва ▼578 чал. (2009) Часавы пояс UTC+3 Тэлефонны код +375 1633 Паштовыя індэксы 225391 Аўтамабільны код 1 СААТА 1250831036 Нача на карце Беларусі ±

Нача на Вікісховішчы

Назва

Назва ад назвы ракі Нача, на якой паселішча ўзнікла. Назва ракі Нача балцкага паходжання.

Гідранімічныя аналагі — літоўскія водныя назвы Nota, Notė, Notija, Notera^[2], пруская *Nātangā (ад гэтага гідроніма назва прускага племя натангаў).

Гэтыя назвы ад захаванага ў гідраніміі балцкага *nātā «цячэнне», якое з дапамогай пашыральніка -t- ад індаеўрапейскага *(s)na- «цячы»^[3].

Назва Нача значыць «Плыткая (рака)». Назва звязаная з хуткасцю рачной плыні.

Геаграфія

Знаходзіцца за 12 км на ўсход ад Ляхавічаў, за 232 км ад Брэста, на рацэ Начы^[4].

Насельніцтва

• 2000 год — 698 жыхароў, 280 двароў^[4].

Вядомыя асобы

• Напалеон Казіміравіч Чарноцкі (1866—1937) — беларускі публіцыст, перакладчык.
• Мар’ян Фальскі (1881—1974) — беларускі і польскі грамадскі дзеяч, навуковец, арганізатар асветы.
• Аляксандр Уладзіміравіч Свірыд (нар. 1946) — беларускі палітык.

Помнікі гісторыі і культуры

• Помнік землякам, загінулым у Вялікую Айчынную вайну.
• Помнік архітэктуры — сядзіба Чарноцкіх «Нача Брындзоўская» 1810—1815 гг.  Гісторыка-культурная каштоўнасць Беларусі, шыфр 112Г000480шыфр 112Г000480

Зноскі

1. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)
2. A. Vanagas. Lietuvių hidronimų etimologinis žodynas. — Vilnius, 1981. — С. 231—232.
3. V. Mažiulis. Prūsų kalbos etimologijos žodynas. Vilnius, 2013. C. 649.
4. БелЭн 2000.

Літаратура

• Нача // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — С. 245. — 10 000 экз. — ISBN 985-11-0035-8. — ISBN 985-11-0188-5 (т. 11).

Спасылкі

• На Вікісховішчы ёсць медыяфайлы па тэме Нача (Ляхавіцкі раён)