From Wikipedia, the free encyclopedia
Мі Фэй (кіт.: 米黻, таксама вядомы як Мі Фу; 1051—1107)[4] — кітайскі мастак, паэт і каліграф сагдыйскага паходжання.
Продкі Мі Фэя паходзілі з горада Таюань. Паколькі яго маці была карміцелькай імператара Ін-цзуна, Мі Фэй рос у імператарскім палацы і свабодна меў зносіны са шляхтай, што паслужыла штуршком да развіцця яго талентаў у каліграфіі і жывапісу.
Асноўны занятак — дзяржаўны служачы. На працягу жыцця займаў пасады ў Імператарскай бібліятэцы, ваеннага губернатара Увэя ў Аньхой, сакратара ў Савеце па рытуалах і губернатара Хуайяна ў Цзянсу[5]. Мі Фу быў жанаты і меў пяць сыноў, з якіх выжылі толькі два старэйшых, і восем дачок.
У жывапісе ён праславіўся сваімі туманнымі, паэтычна-вольнымі краявідамі, у якіх плямы тушы, нанесеныя з дапамогай плоскай шчоткі, маглі мець большую выразнасць, чым лініі і контуры. Больш за ўсё ў жывапісе Мі Фэй цаніў самавыяўленне, што адпавядала яго свабодалюбнаму і індывідуалістычнаму нораву. У паэзіі ён быў паслядоўнікам стылю Лі Бо, а ў каліграфіі — Ван Січжы. Як каліграф ён стаў найбольш вядомы і лічыўся адным з чатырох найлепшых каліграфаў імперыі Сун.
Мі Фэй лічыўся сучаснікамі вельмі эксцэнтрычным чалавекам і за свае выхадкі атрымаў мянушку «Вар’ят Мі». Ён калекцыянаваў камяні , і аднойчы ён сабраў некалькі штук, абвясціўшы адзін з іх сваім старэйшым братам і пакланяючыся яму як старэйшаму члену сям’і. Вядома таксама, што Мі Фэй злоўжываў алкаголем.
Яго сын Мі Южэнь таксама стаў вядомым жывапісцам, але пражыў, у адрозненне ад бацькі, да старэчых гадоў.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.