Мікалай Фірлей (гетман)

Мікалай Фірлей (польск.: Mikolaj Firlej; каля 1460—1526) — польскі ваенны і дзяржаўны дзеяч. Вялікі гетман каронны (1515—1526)

Мікалай Фірлей
Mikołaj Firlej
Герб «Леўарт»
2-і Гетман вялікі каронны 1515 — 1526
Папярэднік	Мікалай Камянецкі
Пераемнік	Ян Амор Тарноўскі
Нараджэнне	каля 1460 замак Каменец[d], Аджыкань[d], Гміна Ваяшоўка, Красненскі павет, Падкарпацкае ваяводства, Польшча
Смерць	1526[1] Люблін, Люблінскае ваяводства, Малапольская правінцыя, Карона Каралеўства Польскага
Месца пахавання	Кляштар дамініканцаў у Любліне[d]
Род	Фірлеі
Бацька	Пётр Фірлей[d]
Маці	Ядвіга Асмульская
Жонка	Ганна Мялецкая
Дзеці	Катажына, Пётр, Мікалай, Барбара, Ганна
Званне	харунжы
Бітвы	Бітва пры Капыстырыне[d] Бітва ля Козмінскага лесу[d] Літоўска-маскоўская вайна 1507—1508 гадоў Бітва пад Оршай Бітва пад Сокалем[d] Польска-тэўтонская вайна

Біяграфія

Прадстаўнік польскага шляхецкага роду Фірлеяў герба «Леўарт». Адзіны сын любельскага земскага пісара і суддзі Пятра Фірлея з Дамбравіцы (пам. 1499) і Ядвігі Асмульскай герба «Боньча».

Займаў пасаду вялікага гетмана кароннага з 1515 па 1526 год. Быў таксама: харунжым кракаўскім і старостам люблінскім, кашталянам люблінскім у 1502—1520 гадах, кашталянам кракаўскім з 1520 года, ваяводам люблінскім у 1507—1514 гадах і пазней ваяводай сандамірскім (1514—1526).

У 1485 годзе Мікалай Фірлей быў дваранінам пры двары польскага караля Казіміра IV Ягелончыка. У наступным 1486 годзе ўдзельнічаў у пасольстве да германскага імператара Фрыдрыха III. У 1487 годзе прыняў удзел у паходзе каралевіча Яна I Альбрэхта супраць татараў і ўдзельнічаў у бітве пад Капыстшынем. У 1489 і 1502 гадах — пасол пры двары асманскага султана. У 1497 годзе ўдзельнічаў у няўдалым ваенным паходзе караля Яна Альбрэхта на Букавіну. У 1499 годзе Мікалай Фірлей бярэ ўдзел у падпісанні новай уніі паміж Польшчай і Вялікім Княствам Літоўскім

У шлюбе з Ганнай Мялецкай герба «Грыф», сястрой кашталяна завіхойскага Станіслава Мялецкага (пам. 1532), ад якой меў двух сыноў і трох дочак:

• Пётр Фірлей (пам. 1553), ваявода любельскі і белзскі
• Мікалай Фірлей (пам. 1519)
• Катажына Фірлей (пам. пасля 1545), з 1515 года жонка кашталяна сандэцкага Станіслава Тарноўскага (каля 1478—1528/1530)
• Барбара Фірлей, жонка Збігнева Слупэцкага
• Ганна Фірлей, жонка Яна Ляжайскага

1. Urzędnicy centralni i nadworni Polski XIV-XVIII wieku / пад рэд. A. Gąsiorowski — Kórnik: Biblioteka Kórnicka, 1992. — С. 42. — 220 с. — ISBN 83-85213-04-X

   <a href='https://wikidata.org/wiki/Track:Q6453758'></a><a href='https://wikidata.org/wiki/Track:Q11686403'></a><a href='https://wikidata.org/wiki/Track:Q123985090'></a>