From Wikipedia, the free encyclopedia
Матэ́вуш Сі́так (польск.: Mateusz Sitek; 2003 — 6 чэрвеня 2024[1], Варшава[2]) — польскі вайсковец, салдат 1-й Варшаўскай танкавай брыгады, забіты нелегальным мігрантам у час міграцыйнага крызісу на беларуска-польскай мяжы, справакаванага рэжымам Лукашэнкі.
Нарадзіўся ў вёсцы Плявіца . У 2020—2022 гадах наведваў вайсковы клас III агульнаадукацыйнага ліцэя імя Мікалая Каперніка ў Вышкаве[6]. Будучы вучнем, неаднаразова прадстаўляў школу ў атрадзе сцяганосцаў, удзельнічаў у патрыятычных і дабрачынных акцыях[6].
Першапачаткова служыў у шэрагах Войскаў тэрытарыяльнай абароны[7]. З 18 снежня 2023 года служыў у 1-й Варшаўскай танкавай брыгадзе[8]. Адразу пасля заканчэння навучання ён быў накіраваны на патруляванне польска-беларускай мяжы ў сувязі з міграцыйным крызісам, які там працягваецца з 2021 года.
Раніцай 28 траўня 2024 года Сітак падчас спынення спробы групы мігрантаў прарвацца з беларускага боку каля вёскі Дубічы Царкоўныя[9], адзін з іх нанёс яму ўдар нажом, праціснуўшы зброю праз шчыліну паміж сегментамі загароды[10][11][12].
Пасля аказання першай медыцынскай дапамогі ён быў дастаўлены ў шпіталь у Гайнаўцы[13][14][15], дзе яму зрабілі аперацыю[15]. Пасля ён быў перавезены ў Ваенна-медыцынскі інстытут у Варшаве, дзе і памёр[12][16][10][11]. 6 чэрвеня Галоўнае камандаванне Узброеных сіл Польшчы паведаміла пра ягоную смерць[17].
Матэвуш Сітак рашэннем міністра абароны Уладзіслава Касіняка-Камыша[18] пасмяротна павышаны ў званні да сяржанта, а таксама ўзнагароджаны Залатым медалём «За заслугі ў абароне краіны»[11][12].
Быў футбалістам каманды вайсковага спартыўнага клуба «Жонснік»[11], гуляў на пазіцыі нападніка, радзей бакавога паўабаронцы [10].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.