Маркс (горад)

У паняцця ёсць і іншыя значэнні, гл. Маркс.

Маркс (руск.: Маркс) — горад (з 1918) у Расіі, адміністрацыйны цэнтр Марксаўскага раёна Саратаўскай вобласці. Насельніцтва 32,9 тыс. чал. (2005). Заснаваны ў 1765 годзе. Горад размешчаны на левым беразе ракі Волгі, за 60 км на паўночны ўсход ад Саратава.

Горад Маркс руск.: Маркс Герб Краіна  Расія Рэгіён Саратаўская вобласць Каардынаты 51°42′00″ пн. ш. 46°45′00″ у. д.HGЯO Заснаваны 1765 Горад з 1918 Плошча 16 км² Вышыня цэнтра 20 м Насельніцтва ▼ 32 594[1] чалавек (2010) Часавы пояс UTC+3 Тэлефонны код 84567 Паштовы індэкс 413090 Аўтамабільны код 64, 164 Маркс на карце Расіі ±

Медыяфайлы на Вікісховішчы

Заснаваны ў 1765 годзе як нямецкая калонія выхадцам з Брабанта (цяперашняя тэрыторыя Бельгіі) баронам Фрэдэрыкам Барэгарам дэ Кано; ад яго тытула калонія атрымала назву Баронск. Нямецкая назва — Екацярыненштат у гонар расійскай імператрыцы Кацярыны II. Указам імператара Мікалая II ад 13 сакавіка 1915 года пераназваны ў Екацярынаград.

Горад з 1918 года. З мая 1919 па 24 чэрвеня 1922 года горад з’яўляўся сталіцай Рэспублікі немцаў Паволжа. У 1919 годзе быў перайменаваны ў Марксштат (у гонар Карла Маркса). У 1941 годзе падчас кампаній па ліквідацыі нямецкіх назваў з наймення горада быў выключаны нямецкі элемент -штат, і горад пачаў называцца Маркс. У 1964 годзе атрымаў статус горада абласнога падпарадкавання.

У горадзе дзейнічаюць 2 буйныя прадпрыемствы: заводы «Волгадызельапарат» і «Агат», піваварны, масласыраробчы заводы. Найстарэйшы краязнаўчы музей з багатай экспазіцыяй па гісторыі немцаў Паволжа, дзеючыя лютэранская, каталіцкая, праваслаўныя цэрквы, мячэць. У 2007 годзе адноўлены помнік Кацярыне II.

Зноскі

1. Колькасць насельніцтва Расійскай Федэрацыі па гарадах, пасёлках гарадскога тыпу і раёнах на 1 студзеня 2010 года (руск.)