У паняцця ёсць і іншыя значэнні, гл.
Краты.
Кратовыя, краты (Talpidae) — сямейства млекакормячых атраду Землярыйкападобныя (Soricomorpha).
Хуткія факты Навуковая класіфікацыя, Міжнародная навуковая назва ...
Закрыць
Падзяляецца на 14 родаў, 31 від. Формы: наземныя бегаючыя, падземнарыючыя (большасць відаў) і паўводныя плаваючыя. Тулава выцягнутае, валькаватае, канечнасці ўкарочаныя, прыстасаваяыя для рыцця, плавання. На пальцах доўгія пляскатыя кіпцюры. Галава невялікая, з падоўжанай канічнай мордай. Валасяное покрыва кароткае, густое, мяккае, пераважна чорнае або чорна-бурае. Лінька тройчы за год. Вочы маленькія, у некаторых відаў закрытыя скурай. Вушных ракавін няма. Нюх і дотык добра развітыя.
Пашыраны ў Еўразіі, Паўночнай Амерыцы. Крот еўрапейскі жыве на ўмерана вільгагных лугах, палях, агародах, парках, лясах у глебе на глыбіні 5 — 60 см. Гнездавыя камеры — на глыбіні да 1,5 м. Характэрны сезонныя міграцыі з аднаго біятопу ў другі. На Беларусі трапляецца паўднёварускі падвід крата еўрапейскага.
Кормяцца лічынкамі насякомых, дажджавымі чарвямі.
Размнажаюцца 1 раз за год, прыплод пераважна 3 — 7 дзіцянят.
Аб’ект промыслу (шкуркі).
