Клеменс Аўгуст фон Кетлер (ням.: Clemens August von Ketteler; 22 лістапада 1853, Патсдам — 20 чэрвеня 1900, Пекін) — нямецкі дыпламат.
| Клеменс Аўгуст фон Кетлер | |||||||
|---|---|---|---|---|---|---|---|
| ням.: Clemens August von Ketteler | |||||||
 | |||||||
|
|||||||
| Манарх | Вільгельм II | ||||||
| Папярэднік | Эдмунд Фрыдрых Густаў фон Гейкінг | ||||||
| Пераемнік | Альфонс Мум фон Шварцэнштэйн | ||||||
| Нараджэнне |
22 лістапада 1853[1] |
||||||
| Смерць |
20 чэрвеня 1900[1] (46 гадоў) |
||||||
| Месца пахавання | |||||||
| Род | Кетлеры[d] | ||||||
| Імя пры нараджэнні | ням.: Clemens August von Ketteler | ||||||
| Бацька | Freiherr August Joseph von Ketteler[d][2] | ||||||
| Маці | Cäcilie von Luck und Witten[d][2] | ||||||
| Жонка | Мацільда Кэс Ледыярд | ||||||
| Адукацыя | гімназія ў Косфельдзе | ||||||
| Гады службы | 1873—1879 | ||||||
| Род войскаў | пруская армія | ||||||
 Медыяфайлы на Вікісховішчы | |||||||
.svg){kind=small}
Біяграфія
Клеменс фон Кетлер паходзіў з дваранскага роду Кетлераў. Неўзабаве пасля нараджэння Клеменса сям’я пераехала ў Мюнстэр. Дзядзька Клеменса — епіскап і палітык цэнтрысцкага толку Вільгельм Эмануіл фон Кетлер, пляменнік — забіты ў 1938 годзе ў Вене дыпламат Вільгельм фон Кетлер, далёкім сваяком Клеменсу фон Кетлеру даводзіўся маршал Францыі Луі Франшэ д’Эсперэ. У жонкі Кетлера, амерыканкі Мацільды Кэс Ледыярд, былі агульныя продкі з прэзідэнтамі ЗША Джорджам Бушам-старшым і Бушам-малодшым.
Скончыўшы гімназію ў Косфельдзе ў 1873 годзе, Кетлер запісаўся ў прускую армію. У 1879 годзе Кетлер атрымаў назначэнне на дыпламатычную службу: спачатку ў 1880—1889 гадах ён служыў перакладчыкам пры нямецкіх консульствах у Гуанчжоў і Цяньцзіне. Прапрацаваўшы некаторы час у міністэрстве замежных спраў, Кетлер атрымаў назначэнне паслом Германіі ў ЗША, затым у 1896—1899 гадах служыў на той жа пасадзе ў Мексіцы. 11 красавіка 1899 года Кетлер быў прызначаны паслом Германіі ў Кітаі.
20 чэрвеня 1900 года падчас Іхэтуаньскага паўстання Кетлер накіраваўся ў суправаджэнні перакладчыка Кордэса ў кітайскае міністэрства замежных спраў на перамовы. Калі Кетлер пакінуў межы пасольскага квартала і праходзіў праз браму, яго ва ўпор застрэліў капрал з манчжурскага палка. У далейшым забойца прызнаўся, што дзейнічаў па загадзе камандзіра за грашовую аддзяку. Абставіны і прычыны забойства нямецкага пасла дагэтуль застаюцца не высветленымі. Кітайскія гісторыкі нават усклалі частку віны за здарэнне на самога Кетлера, які нібыта меў пры сабе пісталет і пачаў страляць адразу, як толькі яго спынілі.
Скон Клеменса фон Кетлера стаў падставай для вайсковай інтэрвенцыі на аснове аб’яднанай экспедыцыйнай арміі некалькіх вялікіх дзяржаў у Кітай. Германская імперыя накіравала ў Кітай экспедыцыйны корпус і прэтэндавала на кіруючую ролю ў аперацыі. Інтэрвенцыя прывяла да паразы кітайцаў і заключэння гэтак званага «баксёрскага пратакола» у верасні 1901 года. Яго першы артыкул абавязваў кітайскі ўрад выбачнуцца за смерць нямецкага пасла, адправіўшы ў Германію «прымірыцельнае пасольства», і ўсталяваць на месцы смерці Кетлера адпаведны яго рангу дыпламата помнік.
Наступнікам Кетлера на посце пасла Германіі ў Пекіне стаў Альфонс Мум фон Шварцэнштэйн. Парэшткі Кетлера першапачаткова былі пахаваныя кітайцамі ў драўлянай шуфлядзе ў садзе нямецкага пасольства, затым перевезены ў Германію. Магіла Клеменса фон Кетлера знаходзіцца на Мюнстэрскіх цэнтральных могілках. У дварцовым садзе ў Мюнстэры ў 1903 годзе быў усталяваны помнік Кетлеру.
Зноскі
- Deutsche Nationalbibliothek Record #118777106 // Агульны нарматыўны кантроль — 2012—2016. Праверана 27 красавіка 2014.
Літаратура
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
