Кермадэк

Кермадэк (англ.: Kermadec) — астраўная дуга ў паўднёвай частцы Ціхага акіяна. Агульная плошча архіпелага - каля 33 км ², з іх плошча вострава Раўль - 29,4 км ². Належыць Новай Зеландыі. Сталага насельніцтва няма.

Кермадэк
Від з вострава Раўль
Характарыстыкі
Найбуйнейшы востраў	востраў Раўль
Найвышэйшы пункт	516 м
Насельніцтва	0 чал.
Размяшчэнне
29°16′38″ пд. ш. 179°00′00″ з. д.HGЯO
Краіна	Новая Зеландыя
Кермадэк
Медыяфайлы на Вікісховішчы

Геаграфія

Астравы размешчаны ў 800-1000 км на паўночны ўсход ад Паўночнага вострава Новай Зеландыі і больш чым у 1100 км на паўднёвы захад ад Ата (Тонга). Названы архіпелаг у гонар французскага мараплаўца Ёна дэ Кермадэка.

Плошча Кермадэцкага архіпелага - каля 33 км ², з іх плошча вострава Рауль - 29,4 км ². Склад - чатыры вострава і некалькі скал. На захадзе астравам абмываюцца морам Фіджы, на ўсход размешчаны глыбакаводны жолаб Кермадэк.

Астравы Кермадэк сфарміраваліся каля 1,5 - 0,5 млн гадоў таму ў выніку вулканічнай дзейнасці. Прычым, актыўнасць мясцовых вулканаў назіраецца і ў нашы дні.

Астравы часткова пакрытыя трапічнымі і субтрапічным лясамі, некаторыя мясцовыя віды эндэмікі (Метрасідэрас кермадэцкі, Myrsine kermadecensis). На астравах - буйныя калоніі марскіх птушак.

Гісторыя

Лічыцца, што да прыбыцця еўрапейцаў палінезійцы двойчы прадпрымалі спробы каланізацыі астравоў Кермадэк — каля X - XI стст. і ў XIV ст. Але па невыяўленым прычынам яны пакідалі свае паселішчы.

30 чэрвеня 1788 г. астравы былі адкрыты брытанскімі мараплаўцамі. Яны былі даследаваны і нанесены на карту французскай экспедыцыяй 1793 г., якая шукала Жана-Франсуа дэ Лаперуза. Архіпелаг атрымаў сваю назву ў гонар Ёна дэ Кермадэка, капітана аднаго з караблёў экспедыцыі.

У XIX - першай палове XX стст. прадпрымаліся спробы каланізацыі еўрапейскімі і навазеландскімі перасяленцамі, але яны скончыліся няўдачай. Тым не менш, у 1886 г. Вялікабрытанія абвясціла аб анэксіі астравоў. У 1887 г. яны былі перададзены пад кіраванне ўрада Новай Зеландыі.

У 1938 - 1964 гг. на востраве Раўль працавалі радыё- і метэаралагічная станцыі, але яны былі эвакуяваныя ў сувязі з чарговым вывяржэннем мясцовага вулкана.

З 1990 года архіпелаг з'яўляецца прыродным запаведнікам. Сталага паселішча больш няма.

Галерэя

• 
• 
• 
• 

Літаратура

• Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — С. 238. — 10 000 экз. — ISBN 985-11-0035-8. — ISBN 985-11-0144-3 (т. 8).

Спасылкі

• На Вікісховішчы ёсць медыяфайлы па тэме Астравы Кермадэк
• Інфармацыя пра астравы Кермадэк (англ.)