Карыбанты
From Wikipedia, the free encyclopedia
Кары́банты (стар.-грэч.: Κορύβαντες) — у старажытнагрэчаскай міфалогіі спадарожнікі і служкі Кібелы і Дыяніса. Уяўляліся як апантаныя аголеныя танцоры з халоднай зброяй.
![Thumb image](http://upload.wikimedia.org/wikipedia/commons/thumb/2/2c/Corybantian_dance_from_Smith%27s_Dictionary_of_Antiquities_%28SALTATIO_article%29.png/320px-Corybantian_dance_from_Smith%27s_Dictionary_of_Antiquities_%28SALTATIO_article%29.png)
Назва карыбантаў мае фрыгійскае паходжанне. Сярод грэкаў вера ў іх і звычай станавіцца карыбантам распаўсюдзіліся не раней за VII ст. да н. э. Міфічных карыбантаў-спадарожнікаў Кібелы лічылі дэманічнымі істотамі, дзецьмі Апалона і Таліі або Геліяса і Афіны. Ім прыпісвалася захворванне κορυβαντισμός, якое суправаджалася ліхаманкай і грукатам у вушах.
У антычнасці карыбантамі зваліся жрацы Кібелы і Дыяніса, якія атрымоўвалі спецыяльнае прысвячэнне. Асабліва былі вядомы карыбанты з Самафракіі і Эўбеі.