![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/76/Donau-Auen-Hainburg2_neu.jpg/640px-Donau-Auen-Hainburg2_neu.jpg&w=640&q=50)
Захоп Хайнбургер-Ау
From Wikipedia, the free encyclopedia
Захо́п Ха́йнбургер-А́у (ням.: Besetzung der Hainburger Au, англ.: Occupation of the Hainburger Au) — балотнай зоны — у снежні 1984 г. стаў паваротным пунктам, які прывёў да экалагічнай насцярожанасці нямецкамоўнага насельніцтва ў Цэнтральнай Еўропе і паспрыяў вялікім дасягненням у галіне развіцця дэмакратычных працэсаў у Аўстрыі.
![Thumb image](http://upload.wikimedia.org/wikipedia/commons/thumb/7/76/Donau-Auen-Hainburg2_neu.jpg/640px-Donau-Auen-Hainburg2_neu.jpg)
Хайнбургер-Ау — вялікая прыродная забалочаная тэрыторыя, якая абмежаваная Дунаем і Хайнбургам-ан-дэр-Донау і знаходзіцца ў Ніжняй Аўстрыі. Гэта зона зусім недалёка на ўсход ад галоўнага аэрапорта Вены. З 1996 г. яна стала часткай нацыянальнага парку Донау-Аўэн.
У лютым 1983 г.[1] аўстрыйскае аддзяленне Сусветнага фонду дзікай прыроды пачало кампанію пад слоганам «Rettet die Auen» з мэтай захавання балот Хайнбургер-Ау. З дапамогай розных медыя-каналаў Сусветны фонд дзікай прыроды пачаў распаўсюджваць інфармацыю пра экалагічную пагрозу, якая можа ўтварыцца ў выпадку знішчэння гэтай важнай зоны. Гэта распачалося з прычыны планаў пабудовы там гідраэлектрастанцыі, прычым планы актыўна падтрымліваліся ўрадам Аўстрыі[2]. У выніку наступных падзей: пратэстаў і дэманстрацый экалагічных актывістаў, а таксама масавага захопу ўразлівай да пагрозы тэрыторыі звычайнымі грамадзянамі — у Цэнтральнай Еўропе значна ўдасканалілася экалагічная і дэмакратычная свядомасць насельніцтва, асабліва нямецкамоўнага.