Заходнія Румынскія горы

Заходнія Румынскія горы, Апусені (рум.: Munţii Apuseni) — частка горнай сістэмы Карпат на захадзе Румыніі.

Заходнія Румынскія горы
Горы Траскэў
Краіна	Румынія
Найвышэйшы пункт	1848 м
Медыяфайлы на Вікісховішчы

Абмежаваны на захадзе Сярэднедунайскай раўнінай, на поўначы — далінай р. Самеш, на ўсходзе — Трансільванскім плато, на поўдні — далінай р. Мурэш. Вылучаюць цэнтральны платопадобны горны масіў Біхар (выш. да 1848 м), вапняковыя горы Траскэў (да 1370 м) і Металіч (да 1438 м), на захадзе хрыбты Кодру (1112 м), Зэранд і Пэдура-Краюлуй (ніжэй за 1000 м), на поўначы — хрыбты Месеш, Плапіш і Фэджэт. Складзены з гранітаў, крышталічных сланцаў, вапнякоў і вулканічных парод. Вядомы радовішчы каляровых металаў (золата, серабро, поліметалы, ртуць), вядзецца здабыча мармуру, андэзіту, вапняку. Характэрны букавыя, дубовыя і хваёвыя лясы, лугі.

Літаратура

• Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7).