Дэльфіны

Дэльфі́ны — млекакормячыя двух сямействаў: рачных, або прэснаводных дэльфінаў (Platanistoidea) і дэльфінавых (Delphinidae) атрада кітападобных. 24 роды, 53 віды.^[1]

Дэльфіны
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Млекакормячыя Падклас:  Звяры Інфраклас:  Плацэнтарныя Надатрад:  Laurasiatheria Атрад:  Кітападобныя Падатрад:  Зубатыя кіты Сямейства:  Дэльфіны
Міжнародная навуковая назва
Delphinidae Gray, 1821
Роды
Пярэстыя дэльфіны (Cephalorhynchus) Дэльфіны-белабочкі (Delphinus) Карлікавыя касаткі (Feresa) Грынды (Globicephala) Шэрыя дэльфіны (Grampus) Малайзійскія дэльфіны (Lagenodelphis) Lagenorhynchus Кітападобныя дэльфіны (Lissodelphis) Іравадыйскія дэльфіны (Orcaella) Касаткі (Orcinus) Peponocephala Малыя касаткі (Pseudorca) Даўгадзюбыя дэльфіны (Sotalia) Гарбатыя дэльфіны (Sousa) Прадэльфіны (Stenella) Steno Афаліны (Tursiops)
Сістэматыка на Віківідах Выявы на Вікісховішчы ITIS   180415 NCBI   9726 EOL   7659

Даўжыня цела 1-10 м, маса да 8 т. У большасці ёсць спінны плаўнік, морда выцягнута ў «дзюбу», зубы шматлікія (больш за 70). Хваставы плаўнік гарызантальны, двухлопасцевы. Скура голая, рознага колеру. Дэльфіны добра арыентуюцца ў вадзе з дапамогай эхалахацыі і слыху (успрымаюць ваганні ад некалькіх дзесяткаў Гц да 200 кГц). Маюць складаную галасавую сігналізацыю і гукасігнальны (эхалакацыйны) орган, добра развіта цэнтральная нярвовая сістэма: галаўны мозг вялікі, шараладобны, вялікія паўшар'і са шматлікімі звілінамі.

Рачныя дэльфіны пашыраны ў трапічных рэках Паўднёвай Амерыкі, уздоўж Атлантычнага ўзбярэжжа ад Бразіліі да Цэнтральнай Аргенціны, рэках Індыі і Кітая, дэльфінавыя — амаль ва ўсіх морах. Найбольш вядомыя дэльфіны з родаў афаліны, касаткі, белабочкі, марскія свінні і інш. У Чырвонай кнізе МСАП 3 віды дэльфінаў: азёрны (Lipotes vexillifer), індскі (Platanista minor - P. indi), каліфарнійская марская свіння (Phocoena sinus).

Палавая спеласць у 3-5 гадоў. Нараджаюць 1 дзіцяня.

Кормяцца рыбай, галаваноіімі малюскамі, ракападобнымі.

Здольныя да гукапераймання. Аб'екты спецыяльных даследаванняў. Лёгка дрэсіруюцца, утрымліваюцца ў ахіянарыумах (дэльфінарыях), дзе могуць размнажацца.

Некаторыя віды прамысловыя.

Зноскі

1. БелЭн у 18 т., т. 5.