![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/36/%25D0%2591%25D0%25B5%25D0%25BB%25D0%25B0%25D1%2580%25D1%2583%25D1%2581%25D0%25BA%25D1%2596_%25D0%25B4%25D1%2583%25D0%25B4%25D0%25B0%25D1%2580.jpg/640px-%25D0%2591%25D0%25B5%25D0%25BB%25D0%25B0%25D1%2580%25D1%2583%25D1%2581%25D0%25BA%25D1%2596_%25D0%25B4%25D1%2583%25D0%25B4%25D0%25B0%25D1%2580.jpg&w=640&q=50)
Беларуская дуда
усходнеславянскі народны варыянт дуды / From Wikipedia, the free encyclopedia
У паняцця ёсць і іншыя значэнні, гл. Дуда (значэнні).
Дуда́, народныя назвы перагудніца, сопль, дудуха[1], дудынька, дудулька, дудуська, дудуленька, дудусенька, весялуха, ігруння, гудуха — беларускі традыцыйны архаічны духавы музычны інструмент, быў распаўсюджаны на тэрыторыі Беларусі, у першую чаргу на Паазер’і, датрываў да XX стагоддзя. Такі самы канструкцыйны тып дуды вядомы ў Літве і Латвіі. Сёння дударская традыцыя адноўлена і развіваецца. У традыцыйнай культуры беларусаў дуда — касмалагічны, рытуальны, актыўны, мужчынскі інструмент[2].
![Thumb image](http://upload.wikimedia.org/wikipedia/commons/thumb/3/36/%D0%91%D0%B5%D0%BB%D0%B0%D1%80%D1%83%D1%81%D0%BA%D1%96_%D0%B4%D1%83%D0%B4%D0%B0%D1%80.jpg/640px-%D0%91%D0%B5%D0%BB%D0%B0%D1%80%D1%83%D1%81%D0%BA%D1%96_%D0%B4%D1%83%D0%B4%D0%B0%D1%80.jpg)
![Thumb image](http://upload.wikimedia.org/wikipedia/commons/thumb/f/fe/Duda_lepelskaga_typa.jpg/640px-Duda_lepelskaga_typa.jpg)
У траўні 2023 года культура беларускай дуды прызнана аб’ектам гісторыка-культурнай спадчыны і ўнесена ў Дзяржаўны спіс гісторыка-культурных каштоўнасцяў Рэспублікі Беларусь.