![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/aa/Groundhog_Day%252C_Punxsutawney%252C_2013-1.jpg/640px-Groundhog_Day%252C_Punxsutawney%252C_2013-1.jpg&w=640&q=50)
Дзень сурка
папулярная традыцыя ў ЗША і Канадзе, якая адзначаецца штогод 2 лютага / From Wikipedia, the free encyclopedia
Дзень сурка́ (англ.: Groundhog Day) — адна з найбольш папулярных традыцый ў ЗША і Канадзе, якая адзначаецца штогод 2 лютага. Традыцыя паходзіць ад павер'я пенсільванскіх галандцаў, паводле якога, калі сурок выйдзе ў гэты дзень са сваёй нары і ўбачыць свой цень, ён сыдзе ў сваё логава, і зіма працягнецца яшчэ шэсць тыдняў; калі ён не ўбачыць свайго ценю, вясна прыйдзе рана.
Дзень сурка | |
---|---|
![]() | |
Дзень сурка ў Панксатоні ў 2013 годзе | |
Тып | народнае |
Адзначаецца | амерыканцамі, канадцамі, часткова немцамі |
Дата | 2 лютага |
Святкаванне | аб'ява пра тое, ці бачыць сурок свой цень пасля таго, як вылезе з нары. |
Традыцыі | варажба аб прыходзе вясны |
Звязана з | Стрэчанне Гасподняе |
У некалькіх гарадах і паселішчах ЗША і Канады ў гэты дзень праводзяцца фестывалі, прысвечаныя мясцовым суркам-метэаролагам, якія прывабліваюць шматлікіх турыстаў.
Варажба Панксатонскага Філа (самы першы афіцыйны сурок-метэаролаг у ЗША) атрымала сусветную вядомасць дзякуючы рамантычнай камедыі «Дзень сурка» (1993). Гэты папулярны галівудскі фільм таксама паспрыяў папулярызацыі Дня сурка ў тых краінах, дзе гэтая традыцыя раней была невядомая.
Нягледзячы на тое, што традыцыя застаецца папулярнай у 21-м стагоддзі, даследаванні не выявілі сувязі паміж сурком, які бачыць свой цень, і часам надыходу вясны.[1]