From Wikipedia, the free encyclopedia
Сучасны герб Самоа быў прыняты ў 1962 годзе, у год атрымання Заходнім Самоа незалежнасці ад Новай Зеландыі.
Герб Самоа | |
---|---|
![]() |
|
Дэталі | |
Суб’ект | Самоа |
Зацверджаны | 1962 |
Заснаванне | 1962 |
Пярэдні план гербавага шчыта ўяўляе сабой стылізаваную выяву сузор’я Паўднёвы Крыж. На шчыце, які мае серабрыстую аснову, таксама намаляваны зялёна-белыя марскія хвалі, серабрыстае неба і какосавая пальма з залатымі какосамі. Борт шчыта мае цёмна-сінюю і белую афарбоўку. На заднім фоне шчыта намаляваны радыяльныя ўзоры, звязаныя чырвонымі канцэнтрычнымі акружнасцямі, абапал якіх намаляваны галіны аліўкавага дрэва. Над шчытом — цёмна-сіні і чырвона-белы лацінскі крыж з чырвонымі прамянямі. У ніжняй частцы герба размешчаны дэвіз: «FA’AVAE I LE ATUA SAMOA» (у перакладзе з самаанскай мовы — «Бог — аснова Самоа»).
Какосавая пальма і мора сімвалізуюць прыроднае размяшчэнне астравоў у Ціхім акіяне, крыж — хрысціянскія традыцыі краіны. Кругі і ўзоры сімвалізуюць геаграфічную шырату і даўгату і аналагічныя сцягу ААН, чыёй падапечнай тэрыторыяй было Самоа з 1946 па 1962 гг.
Першы герб Заходняга Самоа быў прыняты яшчэ ў 1914 годзе падчас панавання на астравах Германіі. На ім былі намаляваны тры сярэбраныя какосавыя пальмы на чырвоным фоне, якія ўзвышаюцца над бела-сінімі марскімі хвалямі. У верхняй частцы шчыта быў намаляваны чорны прускі арол на серабрыстым фоне. Гэты герб выкарыстоўваўся вельмі кароткі час, з прычыны таго, што праз некалькі месяцаў пасля яго прыняцця астравы былі заняты новазеландскімі войскамі.
Падчас новазеландскага панавання быў прыняты новы герб, які выкарыстоўваўся аж да 1951 года. На ім былі намаляваны тры какосавыя пальмы ў натуральных кветках на прыродным фоне.
У 1951 годзе быў прыняты новы герб, які паслужыў прататыпам сучаснаму гербу. У адрозненне ад цяперашняга варыянту на ім замест крыжа было намалявана залатое сонца.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.