From Wikipedia, the free encyclopedia
Герб Дуброўна — герб горада Дуброўна Дубровенскага раёна. Герб зарэгістраваны ў Гербавым матрыкуле Рэспублікі Беларусь 10 студзеня 1997 г. № 11.
Герб Дуброўна | |
---|---|
Дэталі | |
Зацверджаны | 10 студзеня 1997 |
Шчыт |
варажскі |
Заснаванне | 10 студзеня 1997 |
Герб уяўляе сабой варажскі шчыт, у блакітным сценчатым полі якога намалявана сярэбраныя з чорнымі швамі закругленыя ўверсе брама з зачыненымі блакітнымі дзвярамі, увянчаная залатой дубовай галінкай з жолудам і лісцем. Ля падмурка брамы такія ж залатыя дубовыя галінкі[1].
Асноўнай ідэяй, закладзенай у гербе, з’яўляецца адзлюстраванне геаграфічнае размяшчэнне горада Дуброўна на ўсходняй мяжы Беларусі, дзе здаўна праходзілі гандлёвыя і ваенна-стратэгічныя шляхі на Маскву. Дзякуючы гэтаму горад з даўніх часоў з’яўляўся галоўнымі «усходнімі варотамі» краіны, такім чынам зачыненая брама з’яўляецца алегарычнай выявай надзейнай абароны[1].
Таксама знайшла сваё адлюстраванне назва горада, якая звязана са словам «дуброва». Яна прадстаўлена на гербе трыма дубовымі залатымі галінкі з жалудамі і разным лісцем на кожнай. Падобнае кампазіцыйнае размяшчэнне галінак — адной зверху, двух іншых — з кожнага боку ад падмурку мураванай брамы — перагукваецца са старажытным шляхецкім гербам «Дамброва», які ўяўляе сабой выяву падковы з крыжамі ўверсе і па баках. Існуе таксама падабенства паміж назвамі прыватнаўласніцкага герба і горада[1].
Тры выкарыстаныя ў гербе колеры (блакітны, залаты і сярэбраны) адпавядаюць колерам герба «Ляліва», якім карыстаўся шляхецкі род Глябовічаў — уладальнікаў маёнтка Дуброўна ў XVI—XVII стст. Гэта нагадвае пра тое, што менавіта Глябовічы заснавалі ў Дуброўне замак і мястэчка, якое паклала пачатак сучаснаму гораду[1].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.