Вашынгтон (акруга, Мэн)

У паняцця ёсць і іншыя значэнні, гл. Вашынгтон (значэнні).

Акруга Вашынгтон (англ.: Washington County) — акруга на ўсходзе штата Мэн, ЗША. Насельніцтва на 2020 год складала 31 095 чалавек. Адміністрацыйны цэнтр — горад Мачаяс.

Акруга Вашынгтон
англ.: Washington County
Сцяг
Краіна	ЗША
Статус	Акруга
Уваходзіць у	Мэн
Адміністрацыйны цэнтр	Мачаяс
Дата ўтварэння	25 чэрвеня 1789
Насельніцтва (2020)	31 095
Плошча	8 440 км²
Індэкс FIPS	23029
Афіцыйны сайт (англ.)
Медыяфайлы на Вікісховішчы

Востраў Сен-Круа быў месцам часовага французскага паселішча ў 1604 годзе, якое ўзначаліў даследчык Самюэль дэ Шамплейн. У чэрвені 1775 года адбылася першая марская бітва Амерыканскай рэвалюцыі ў заліве Мачайас каля форта О’Браэн. Акруга Вашынгтон была заснавана 25 чэрвеня 1789 года і названа ў гонар аднаго з айцоў-заснавальнікаў ЗША Джорджа Вашынгтона.

Геаграфія

Плошча акругі складае 8 440 км², з іх 6 640 км² (79 %) — суша, а 1800 км² (21 %) — вада. Мяжуе на ўсходзе з Нью-Брансуікам (Канада), азёры Чыпутнецікук, рака Сен-Круа і заліў Пасамакуодзі ўтвараюць мяжу. На поўдні акруга абмываецца Атлантычным акіянам. Акруга Вашынгтон складаецца з пагоркаў і далін і ўключае некалькі астравоў. Іншыя водныя шляхі — азёры Уэст-Гранд, Біг, Медыбэмпс і Баскахеган, а таксама рэкі Мачайас, Нарагагуагус і Плезант. У акрузе знаходзіцца самая ўсходняя кропка ЗША — Уэст-Куодзі-Хед^[1].

Суседнія акругі

• Арустук — паўночны захад
• Пенабскот — паўночны захад
• Ханкок — паўднёвы захад
• Нью-Брансуік, Канада — усход

Дэмаграфія

Перапіс насельніцтва
Перапіс	Насельніцтва		%±
1790	2 760		—
1800	4 461		61.6%
1810	7 870		76.4%
1820	12 744		61.9%
1830	21 294		67.1%
1840	28 327		33%
1850	38 811		37%
1860	42 534		9.6%
1870	43 343		1.9%
1880	44 484		2.6%
1890	44 482		-0%
1900	45 232		1.7%
1910	42 905		-5.1%
1920	41 709		-2.8%
1930	37 826		-9.3%
1940	37 767		-0.2%
1950	35 187		-6.8%
1960	32 908		-6.5%
1970	29 859		-9.3%
1980	34 963		17.1%
1990	35 308		1%
2000	33 941		-3.9%
2010	32 856		-3.2%
2020	31 095		-5.4%

Паводле перапісу 2020 года ў акрузе Вашынгтон жылі 31 095 чалавек. Сярэдні ўзрост насельніцтва — 48,5 год. Насельніцтва акругі па ўзроставым дыяпазоне размеркавалася наступным чынам: 19,1 % — жыхары маладзейшыя за 18 гадоў, 56,4 % — ад 18 да 65 гадоў і 24,5 % — ва ўзросце 65 гадоў і старэй. Расавы склад: белыя — 89,3 %, афраамерыканцы — 0,5 %, карэнныя амерыканцы — 4,5 % і азіяты — 0,4 %. 2,1 % насельніцтва горада — лацінаамерыканцы^[2].

У 2020 годзе медыяны даход на сям’ю ацэньваўся ў 57 793 $, на хатнюю гаспадарку — у 44 847 $. 18,1 % насельніцтва пражываюць за рысай беднасці. 23,8 % маюць вышэйшую адукацыю. 46,8 % былі супрацоўнікамі прыватных кампаній, 4,6 % — самазанятыя работнікі, 12,3 % — супрацоўнікі прыватных некамерцыйных арганізацый, 20,0 % — дзяржаўныя служачыя, 16,4 % — самазанятыя ў уласным незарэгістраваным бізнэсе або хатняй гаспадарцы^[2]. Акруга славіцца пастаўкамі дзікай чарніцы. Акрамя таго, у 2014 годзе вылаў амараў прынёс у эканоміку больш за 45 мільёнаў долараў. Вашынгтон ахоплівае сорак два гарады, тры плантацыі і дзве індзейскія тэрыторыі^[3].

Галерэя

• 
  Кангрэгацыйная царква ў горадзе Мачаяс
• 
  Уотэр-стрыт, цэнтр горада Істпорт
• 
  Рака Мачаяс у Бэд-Літл-Фолс, Мачаяс

Зноскі

1. Washington County, Maine, United States (нявызн.). Britannica. Праверана 3 снежня 2022.
2. Washington County, Maine (нявызн.). Бюро перапісу насельніцтва ЗША. Праверана 3 снежня 2022.
3. Washington County, Maine (нявызн.). Washington County. Праверана 5 снежня 2022.