Браўнаўскі ўніверсітэт

Браўнаўскі ўніверсітэт (англ.: Brown University) — амерыканская прыватная вышэйшая навучальная ўстанова са статусам даследчага ўніверсітэта, якая месціцца ў горадзе Провідэнс у штаце Род-Айленд, ЗША.

Браўнаўскі ўніверсітэт
англ.: Brown Universitys
Арыгінальная назва	англ.: Brown Universitys
Заснаваны	1764
Тып	універсітэт Лігі плюшчу
Студэнты	10 333 і 10 338[1]
Краіна	ЗША[2]
Размяшчэнне	Провідэнс, Род-Айленд, ЗША
Сайт	brown.edu
Медыяфайлы на Вікісховішчы

Агульная характарыстыка

Гэта сёмая найстарэйшая вышэйшая навучальная ўстанова ў ЗША, заснаваная ў 1764 годзе як каледж у англійскай калоніі Род-Айленд на плантацыі Провідэнс. Гэта адзін з 9 каланіяльных каледжаў, створаных да вайны за незалежнасць ЗША, гэта быў першы каледж у ЗША, які задэклараваў, што прыём і навучанне студэнтаў павінны быць роўнымі незалежна ад рэлігіі. Універсітэт мае старэйшую ў ЗША праграму па прыкладной матэматыцы і старэйшую інжынерную праграму ў Лізе плюшчу. Гэта адна з першых устаноў ЗША, якая пачала надаваць доктарскія ступені.

Галоўны кампус універсітэта знаходзіцца ў раёне Каледж-Хіл у горадзе Провідэнс. Універсітэт акружаны федэральным архітэктурным раёнам з канцэнтрацыяй будынкаў Каланіяльнай эпохі. Там знаходзіцца адна з самых багатых у Амерыцы канцэнтрацый архітэктуры XVII і XVIII стагоддзяў. Конкурс паступлення на бакалаўрыят у гэты ўніверсітэт з'яўляецца адным з самых высокіх у ЗША (у сярэднім прымаецца на навучанне толькі 5% ад агульнай колькасці жадаючых).

Па стане на сакавік 2022 года 11 лаўрэатаў Нобелеўскай прэміі былі звязаны з універсітэтам як выпускнікі, выкладчыкі або даследчыкі, а таксама 1 лаўрэат Філдса і інш. Сярод выпускнікоў універсітэта 27 лаўрэатаў Пулітцэраўскай прэміі, 21 мільярдэр, 4 дзяржаўныя сакратары ЗША, больш за 100 дэпутатаў Кангрэса Злучаных Штатаў, 58 стыпендыятаў Родса, 22 стыпендыяты Макартура і 38 прызёраў Алімпійскіх гульняў.

Структура

• Каледж
• Школа інжынерыі
• Школа прафесійнага навучання
• Школа грамадскага здароўя
• Школа медыцыны
• Школа магістратуры і аспірантуры

Гл. таксама

• Спіс універсітэтаў штата Род-Айленд

Крыніцы

1. U.S. and Canadian 2022 NTSE Participating Institutions Listed by Fiscal Year 2022 Endowment Market Value, Change in Market Value from FY21 to FY22, and FY22 Endowment Market Values Per Full-time Equivalent Student (Excel) — National Association of College and University Business Officers, 2023. Праверана 22 мая 2023.

   <a href='https://wikidata.org/wiki/Track:Q30268203'></a>
2. Global Research Identifier Database — 2015. Праверана 7 чэрвеня 2020.

   <a href='https://wikidata.org/wiki/Track:Q27768150'></a>

Спасылкі

• На Вікісховішчы ёсць медыяфайлы па тэме Браўнаўскі ўніверсітэт
• Афіцыйная інтэрнэт-старонка ўстановы