горад у Славакіі From Wikipedia, the free encyclopedia
Банаўцы-над-Бэбраваў (славацк.: Bánovce nad Bebravou, ням.: Banowitz, венг.: Bán, часам бел.: Банаўцы-над-Бэбравай) — горад Трэнчынскага краю ў заходняй Славакіі на рацэ Бэбрава.
Горад
| ||||||||||||||||||||||||||||||||||||||||
Прынята лічыць, што назва горада паходзіць ад уласнага імя, альбо ад тытула Бан, якім у сярэднявеччы ў некаторых краінах называлі кіраўніка зямлі. Над Бэбраваў значыць, што горад ляжыць на рацэ Бэбрава. Іншыя назвы горада: як вёска Ben (1232), як вёска Ban (1318), Banowitz (1389), Banowcz (1439), Ban (1467), Banowcze (1471).[4]
Першая пісьмовая згадка горада датуецца 1232 годам. Першапачаткова гэта вёска Ben. Ужо ў 1376 годзе атрымлівае статус Вольнага каралеўскага горада. Гісторыя Банаўцы-над-Бэбраваў звязана з падпаламі горада гусітамі ў 1431—1433 гадах, і разграбленнем яго турэцкімі войскамі, якія ўварваліся з поўдня ў 1633 годзе. У сярэднія вякі ён стаў важным цэнтрам рамеснай вытворчасці, дзе значнае месца займалі шаўцы, цесляры, кавалі, мяснікі, ткачы. Першая пачатковая школа была адкрыта ў XVII стагоддзі. Падчас Другой сусветнай вайны горад быў вызвалены румынскімі войскамі 1-й арміі 5 красавіка 1945 года.
Горад размешчаны ў самай паўночнай частцы Дунайскага ўзвышша, у перадгор’і Стражаўскіх гор, на зліцці рэк Бэбрава і Радзіша. За 20 км ад Пр’евідзы, 30 км Трэнчына і 50 км ад Нітры.
Восенню 2005 года была заснавана кампанія LKW Komponenten sro. Кампанія вырабляе дадатковыя дэталі для кабін грузавых аўтамабіляў. LKW Komponenten sro з’яўляецца асноўным пастаўшчыком дэталяў у MAN. На прадпрыемстве занята больш за 300 супрацоўнікаў. Акрамя таго ў горадзе ёсць вытворчыя ўчасткі па вырабе аўтамабільных дэталяў кампаній HELLA GmbH і Fritz Meier. Лёгкая прамысловасць прадстаўлена нямецкімі вытворцамі Gabor і Eterna Mode GmbH, у апошняй працуе больш за 700 супрацоўнікаў.
У горадзе налічваецца 15 помнікаў культуры, а яго раёны ўпісаны ў цэнтральны спіс помнікаў культуры ў Браціславе.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.