Аляксандр Леанідавіч Уліцёнак

Аляксандр Леанідавіч Уліцёнак, (нар. 21 лютага 1954, в. Ракузаўка, Магілёўскі раён) — беларускі грамадскі дзеяч, журналіст, рэдактар, заснавальнік і выдавец газеты «Свободные новости плюс» (раней — «Свободные новости»).

Аляксандр Леанідавіч Уліцёнак
Асабістыя звесткі
Дата нараджэння	21 лютага 1954(1954-02-21) (70 гадоў)
Месца нараджэння	Ракузаўка, Цішоўскі сельсавет, Магілёўскі раён, Магілёўская вобласць, БССР, СССР
Грамадзянства	Беларусь
Альма-матар	факультэт журналістыкі БДУ
Прафесійная дзейнасць
Род дзейнасці	журналіст, рэдактар
Прэміі

Біяграфія

У 1980 г. скончыў журфак БДУ. Ад 1980 г. карэспандэнт, загадчык аддзела газеты «Звязда». У 1986—1993 гг. — уласны карэспандэнт газеты «Правда» па БССР.

У 1993 г. разам з адзінадумцамі з газеты «Звязда» заснаваў газету «Свободные новости». У 1993—1997 гг. — галоўны рэдактар газеты «Свободные новости».

У 1997—2002 гадах — прэзідэнт ЗАТ «СНА», ад 2002 па цяперашні час — дырэктар, намеснік дырэктара ТАА «СНплюс».

У 2005—2010 гадах — рэдактар ранішняга эфіру «Радыё Свабода».

Сябра БАЖ.

Узнагароды

• Лаўрэат прэміі Ленінскага камсамола імя Веры Харужай.
• Лаўрэат Дзяржаўнай прэміі Рэспублікі Беларусь за 1992 год у галіне журналістыкі за кнігу публіцыстыкі «Іншадумцы».

Спасылкі

• Аляксандр Уліцёнак на Беларускай паліцы