Алег Іванавіч Аблажэй

У Вікіпедыі ёсць артыкулы пра іншых асоб з прозвішчам Аблажэй.

Алег Іванавіч Аблажэй (літ.: Olegas Ablažiejus; 6 мая 1954, в. Лезнявічы, Дзятлаўскі раён, Гродзенская вобласць — 18 мая 2016, Вільнюс, Літва) — беларускі паэт, празаік, мастак.

Алег Іванавіч Аблажэй
Дата нараджэння	6 мая 1954(1954-05-06)
Месца нараджэння	Лезнявічы, Дзятлаўскі раён, Гродзенская вобласць, БССР, СССР
Дата смерці	18 мая 2016(2016-05-18) (62 гады)
Месца смерці	Вільнюс, Вільнюскае гарадское самакіраванне, Літва
Месца пахавання	Лезнявічы
Грамадзянства	Беларусь
Род дзейнасці	мастак, паэт, празаік
Месца працы	Рунь (газета)
Вучоба	Віцебскі дзяржаўны ўніверсітэт імя П. М. Машэрава Вільнюская мастацкая акадэмія
Член у	Саюдзіс Таварыства беларускай культуры ў Літве
Узнагароды

Біяграфія

Скончыў у 1977 годзе Віцебскі педагагічны інстытут, у 1985 годзе — Вільнюскі дзяржаўны мастацкі інстытут. Мастацкі рэдактар газеты «Рунь», мастацкі афарміцель дзіцячага часопіса «Лола».

Займаўся жывапісам, акварэллю, ілюстраваў кнігі. У яго афармленні ў Беларусі выйшлі творы В. Жуковіча «Гуканне вясны», Д. Бічэль-Загнетавай «Гараднічанка», у Маскве — «Шведскія казкі» Э. Хэмінгуэя, «Сербская паэзія», у Вільнюсе — «Казка пра Султана» і інш. У 1984—1986 у Літве выдадзена серыя канвертаў з партрэтамі літоўскіх дзеячаў, аформленая А. Аблажэем, а таксама серыя паштовак. Маляваў таксама партрэты вядомых дзеячаў, краявіды. Любімая яго тэма — жанчына ў фантастычных строях і проста жанчына. Яго працы выстаўляліся неаднаразова ў Літве, Польшчы, Германіі, Эстоніі, Латвіі, Беларусі.

У Літве Алега Аблажэя добра ведаюць не толькі як мастака, але і як грамадскага дзеяча. Ён прымаў актыўны ўдзел у дзейнасці «Саюдзіса», супрацоўнічаў з беларускімі арганізацыямі Вільнюса. Член рады Таварыства беларускай культуры, суполкі мастакоў краін Балтыі «Маю гонар».

Пісаў сатырычныя фельетоны для газеты «Рунь».

Памёр 18 мая 2016 года ў Вільні. Пахаваны ў вёсцы Лезнявічы^[1].

Узнагароды

Узнагароджаны літоўскім медалём «За падзеі 13-га студзеня».

Бібліяграфія

• «Сем казак пра каралеўнаў» (1999, на польскай мове).
• «Красамоўнае сэрца». — Мінск: Мастацкая літаратура, 2015. — 71 с.

У зборніках

• Забароненая сукня // Нявеста для Базыля: казкі / уклад. А. Спрынчан. — Мн.: Мастацкая літаратура, 2017. — (Беларуская аўтарская казка).

Зноскі

1. Аблажэй — Брыль – Белліт  (бел.) (14 ліпеня 2023). Праверана 18 ліпеня 2024.

Літаратура

• Мілаш Л. Аблажэй Алег: Старонкі будучага даведніка // Кантакты і дыялогі. 1999, № 4.