![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/7e/M%25C3%25A9moires_de_la_Soci%25C3%25A9t%25C3%25A9_g%25C3%25A9ologique_de_France_%2528IA_meymoiresdelaso00socig%2529.pdf/page1-640px-M%25C3%25A9moires_de_la_Soci%25C3%25A9t%25C3%25A9_g%25C3%25A9ologique_de_France_%2528IA_meymoiresdelaso00socig%2529.pdf.jpg&w=640&q=50)
Індустрыяльная рэвалюцыя
From Wikipedia, the free encyclopedia
Індустрыяльная (прамысловая) рэвалюцыя (прамысловы пераварот, Вялікая індустрыяльная рэвалюцыя) — пераход ад ручной працы да машыннай, ад мануфактуры да фабрыкі; пераход ад пераважна аграрнай эканомікі да індустрыяльнай вытворчасці, у выніку якога адбываецца трансфармацыя аграрнага грамадства ў індустрыяльнае. Прамысловы пераварот адбываўся ў розных краінах не адначасова, але ў цэлым можна лічыць, што перыяд, калі адбываліся гэтыя змены, пачынаўся ад другой паловы XVIII стагоддзя і працягваўся на працягу XIX стагоддзя. Характэрнай рысай прамысловай рэвалюцыі з’яўляецца імклівы рост прадукцыйных сіл на базе буйной машыннай індустрыі і зацвярджэнне капіталізму ў якасці пануючай сусветнай сістэмы гаспадаркі.
Індустрыяльная рэвалюцыя | |
---|---|
![]() | |
Папярэдні ў спісе | Industrious Revolution[d] |
Наступны ў спісе | Second Industrial Revolution[d] |
Краіна паходжання | |
Дата пачатку | 1760 |
Дата заканчэння | 2010 |
![]() |
Прамысловая рэвалюцыя звязана не проста з пачаткам масавага прымянення машын, але і з змяненнем усёй структуры грамадства. Яна суправаджалася рэзкім павышэннем прадукцыйнасці працы, хуткай урбанізацыяй, пачаткам хуткага эканамічнага росту (да гэтага эканамічны рост, як правіла, быў прыкметны толькі ў маштабах стагоддзяў) і павелічэннем жыццёвага ўзроўню насельніцтва. Прамысловая рэвалюцыя дазволіла на працягу жыцця ўсяго толькі 3-5 пакаленняў перайсці ад аграрнага грамадства (дзе большасць насельніцтва вяла натуральную гаспадарку) да індустрыяльнага.