Ёзаф Мігаш

Ёзаф Мігаш (славацк.: Jozef Migaš; нар. 7 студзеня 1954, Пушаўцы, Чэхаславакія) — славацкі палітык і дыпламат, былы спікер Народнага Савета (1998^[1]—2002^[2]) і выканаўца абавязкаў прэзідэнта Славакіі разам з Мікулашам Дзурындам (1998—1999).

Ёзаф Мігаш
славацк.: Jozef Migaš
в.а. Прэзідэнта Славакіі 30 кастрычніка 1998 — 15 чэрвеня 1999 разам з Мікулашам Дзурындам
Кіраўнік урада	Мікулаш Дзурында
Папярэднік	Уладзімір Мечыяр (в.а.)
Пераемнік	Рудольф Шусцер
Спікер парламента Славакіі 30 кастрычніка 1998 — 15 кастрычніка 2002
Папярэднік	Іван Гашпаравіч
Пераемнік	Павел Грушаўскі
Пасол Славакіі ў Расійскай Федэрацыі 2009 — 2014
Прэзідэнт	Іван Гашпаравіч
Кіраўнік урада	Івета Радзічава
Нараджэнне	7 студзеня 1954(1954-01-07) (70 гадоў) Пушаўцы[d], раён Прэшаў[d], Прэшаўскі край, Славакія
Партыя	Курс — сацыяльная дэмакратыя
Адукацыя	філасофскі факультэт Кіеўскага нацыянальнага ўніверсітэта імя Тараса Шаўчэнкі[d]
Навуковая ступень	доктар навук
Узнагароды
Медыяфайлы на Вікісховішчы

Біяграфія

Па заканчэнні Кіеўскага нацыянальнага ўніверсітэта імя Тараса Шаўчэнкі працаваў у Славацкай акадэміі навук у Кошыцах, пасля быў выкладчыкам у Вышэйшай школе палітыкі пры Цэнтральным камітэце Камуністычнай партыі Славакіі. У 1989 годзе разам з настроенымі на рэформы камуністамі згуртаваўся вакол Петэра Вейса ў Партыі дэмакратычных левых (SDL). У 1995—1996 гадах — надзвычайны і ўпаўнаважаны пасол Славакіі ва Украіне.

У 1996—2001 гадах узначальваў Партыю дэмакратычных левых (SDL). У 1998—2002 гадах — спікер Народнага Савета разам з Мікулашам Дзурындам. У 2009—2014 гадах — пасол Славакіі ў Расійскай Федэрацыі^[3].

У 2016 годзе Ёзэф Мігаш быў прызначаны паслом Славакіі ў Беларусі. 9 мая 2020 года, нягледзячы на распаўсюджванне COVID-19 у Беларусі, Ёзэф Мігаш узяў удзел ва ўрачыстасцях у Мінску з нагоды заканчэння Другой сусветнай вайны. У МЗС Славакіі палічылі, што пасол парушыў прынцыпы камунікацыі са штаб-кватэрай, не расказаўшы аб намеры. У выніку Ёзэф Мігаш падаў у адстаўку, якая была прынятая^[4][5]. Як распавёў Ёзаф Мігаш прэсе, яго ўдзел у парадзе быў прынцыповай пазіцыяй. Пазней Прэзідэнт Беларусі Аляксандр Лукашэнка назваў здарэнне міжнародным скандалам, а 15 чэрвеня 2020 падпісаў указ аб узнагароджанні дыпламата ордэнам Скарыны^[6].

З'яўлецца братам Юрая Мігаша, колішняга пасла ў Венгрыі^[7].

Зноскі

1. New government bungles parliamentary protocol (нявызн.). The Slovak Spectator (13 лістапада 2010).
2. SLOVAKIA: NEW SPEAKER SAYS SLOVAK PARLIAMENT NEEDS TO REGAIN PUBLIC TRUST (нявызн.). IPR Strategic Business Information Database (13 лістапада 2010).
3. Nový veľvyslanec Migaš mal donášať ŠtB, spravy.pravda.sk z 19 czerwca 2009 (славацк.)
4. dennikn.sk
5. news.tut.by Архівавана 26 верасня 2020.
6. nashaniva.by
7. Veľvyslancom SR v Maďarsku bude zrejme diplomat Juraj Migaš, sme.sk z 16 lipca 2004 (славацк.)