Цэнтра́льная бібліятэ́ка Дэ́рбі (па-ангельску: Derby Central Library) — заснаваная ў 1879 року разам з Музэем і мастацкай галерэяй Дэрбі бібліятэка, разьмешчаная ў чырвоным цагляным будынку, узьведзеным паводле праекту Рычарда Ніла Фрымэна на сродкі Майкла Баса-малодшага[1]. Гэта цэнтральная меская бібліятэка.
Мінуўшчына
«Сталая» бібліятэка ў Дэрбі была заснаваная ў 1811 року на Кўін-стрыт; у 1832 яе маглі наведваць (маючы платнае сяброўства-падпіску) 84 чалавекі[2]. Сярод 4000 яе тамоў меліся кнігі Філязофскага таварыства Дэрбі (па-ангельску: Derby Philosophical Society)[3]. У 1863 року першым бібліятэкарам і куратарам стаў батанік Аляксандар Кроал, а ў наступным року музэй і бібліятэка былі аб’яднаныя.
28 чэрвеня 1879 бібліятэка была афіцыйна адчыненая для ўсіх ахвотных (бясплатнай). У верасьні 1898 зборы бібліятэкі складалі амаль 20 000 тамоў і больш за 11 000 дакумэнтаў[1].
У 1914 плошча бібліятэкі была пашыраная за кошт будынку, дзе пражываў куратар.
Сучаснасьць
У 1964 музэй і арт-галерэя былі пераведзеныя ў новы будынак, але бібліятэка працягвае суіснаваць з гэтымі арганізацыямі.
Побач з будынкам разьмешчаны помнік Майклу Басу-малодшаму, мэцэнату, півавару і чальцу Палаты абшчынаў, дзякуючы якому паўстала гэтая бібліятэка.
Крыніцы і заўвагі
Вонкавыя спасылкі
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
