Царква Сьвятой Тройцы (Амсьціслаў)

Царква Сьвятой Тройцы — помнік архітэктуры XIX стагодзьдзя ў Амсьціславе. Знаходзіцца на гістарычнай Параднай вуліцы^[a]. Дзее. Твор архітэктуры клясыцызму, часткова зруйнаваны савецкімі ўладамі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Сьвятой Тройцы.

Помнік сакральнай архітэктуры
Царква Сьвятой Тройцы
Царква Сьвятой Тройцы, аўтэнтычны выгляд
Краіна	Беларусь
Места	Амсьціслаў
Каардынаты	54°01′19.27″ пн. ш. 31°43′27.05″ у. д.
Архітэктурны стыль	клясыцызм
Дата заснаваньня	XIX ст.
Царква Сьвятой Тройцы на мапе Беларусі Царква Сьвятой Тройцы
Царква Сьвятой Тройцы на Вікісховішчы

Мураваную царкву Ўрадавага сыноду Расейскай імпэрыі (Маскоўскай царквы) у Амсьціславе пачалі будаваць у першай траціне XIX ст., а асьвяцілі ў 1834 годзе^[1]. У 1858 годзе яна пацярпела ад пажару, у 1865 годзе будынак аднавілі.

За савецкім часам царкву зачынілі, а ў 1958 годзе капітальна перабудавалі. У 2016 годзе замест навукова абгрунтаванай рэстаўрацыі помніка правялі яго рэканструкцыю, у выніку якой той набыў адрознае ад аўтэнтычнага аблічча.

Помнік архітэктуры клясыцызму. Складалася з асноўнага аб’ёма, трансэпта і вежы-званіцы. Над асноўным аб’ёмам узвышаецца паўсфэрычны купал, над вежай-званіцай — з доўгім шпілем.