Царква Сьвятога Спаса (Амсьціслаў)

Царква Сьвятога Спаса^{[lower-alpha 1]} — помнік архітэктуры XIX стагодзьдзя ў Амсьціславе. Знаходзіцца на паўночна-ўсходняй ускраіне места, на могілках^{[lower-alpha 2]}. Дзее. Твор традыцыйнай беларускай драўлянай архітэктуры з элемэнтамі стылю клясыцызму, мастацкае аблічча якога пацярпела ў выніку надбудовы купала-цыбуліны. Аб’ект Дзяржаўнага сьпісу гістарычна-культурных каштоўнасьцяў Беларусі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Сьвятога Спаса.

Помнік сакральнай архітэктуры
Царква Сьвятога Спаса
Спаская царква па надбудове купала-цыбуліны
Краіна	Беларусь
Места	Амсьціслаў
Каардынаты	54°01′26.19″ пн. ш. 31°44′21.98″ у. д.
Архітэктурны стыль	народнае дойлідзтва Беларусі[d]
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Царква Сьвятога Спаса на мапе Беларусі Царква Сьвятога Спаса
Царква Сьвятога Спаса на Вікісховішчы

Гісторыя

Драўляную могілкавую царкву ў Амсьціславе збудавалі ў XIX ст.

У 2011 годзе праводзілася рэканструкцыя будынка, у выніку якой над вежай-званіцай паставілі пазалочаны купал-цыбуліну.

Архітэктура

Помнік традыцыйнай беларускай драўлянай архітэктуры з элемэнтамі стылю клясыцызму. 4-часткавая падоўжна-восевая кампазыцыя будынка складаецца з прастакутных зрубаў прытвора, бабінца, малітоўнай залі і апсыды. У сылюэце царквы пануе надбудаваная над прытворам чацьверыковая званіца пад пакатым шатровым дахам зь вежачкай. 4-схільны дах асноўнага кубападобнага аб’ёму завяршаецца купалам-баняй. Тры ўваходы вылучаюцца 4-слуповымі ганкамі. Вэртыкальна ашаляваныя сьцены праразаюцца прастакутнымі аконнымі праёмамі ў разных ліштвах, цокальная частка вылучаецца вэртыкальнай шалёўкай^[1].

Заўвагі

1. Назва помніка архітэктуры прыводзіцца паводле беларускай гістарычнай традыцыі. Афіцыйны тытул Маскоўскага патрыярхату: «Царква Праабражэньня Гасподняга» або «Спаса-Праабражэнская царква» (рас. Церковь Преображения Господнего, Спасо-Преображенская церковь); таксама Спаская царква
2. Цяперашні афіцыйны адрас — вуліца Энгельса

Крыніцы

1. Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.

Літаратура

• Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.— 653 с.: іл. ISBN 978-985-11-0389-4.

Вонкавыя спасылкі

Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  513Г000513

• Царква Сьвятога Спаса ў Амсьціславе, Radzima.org