![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e4/Trajan_typeface_specimen.svg/langbe-tarask-640px-Trajan_typeface_specimen.svg.png&w=640&q=50)
Тыпаграфіка
From Wikipedia, the free encyclopedia
Тыпаграфіка (ад грэц. τύπος — форма й γραφή — пішу) — фармаваньне вонкавага й нутранога аблічча тэксту з дапамогай друкарскіх сродкаў[1]. Фармаваньне аблічча тэксту ўключае ў сябе выбар слушнай ґарнітуры, кеглю, фармату радка, міжрадкоўя, а таксама рэгуляваньне міжлітарных (кернінг) і міжслоўных інтэрвалаў (трэкінг).
- Ня варта блытаць з Тыпаграфія.
![Thumb image](http://upload.wikimedia.org/wikipedia/commons/thumb/e/e4/Trajan_typeface_specimen.svg/320px-Trajan_typeface_specimen.svg.png)
Тыпаграфіка, з аднаго боку, уяўляе сабой адну з галін графічнага дызайну, з другога — звод строгіх правілаў, якія вызначаюць выкарыстаньне шрыфтоў у мэтах стварэньня найбольш зразумеляга для ўспрыманьня чытача тэксту. Задачай тыпаграфікі, найбольш творчага этапу афармленьня тэксту, зьяўляецца вызначэньне парамэтраў для наступных працэсаў набору, вёрсткі й дадрукарнай падрыхтоўкі.