From Wikipedia, the free encyclopedia
Се́рна (Rupicapra rupicapra) — жывёла клясы сысуноў атрада парнакапытных сямейства быкавых (Bovidae).
Серна | |
![]() | |
Клясыфікацыя | |
---|---|
Царства | Жывёлы (Animalia) |
Тып | Хордавыя (Chordata) |
Кляса | Сысуны (Mammalia) |
Інфракляса | Пляцэнтарныя (Placentalia) |
Надатрад | Ляўразыятэрыі (Laurasiatheria) |
Атрад | Парнакапытныя (Artiodactyla) |
Сямейства | Быкавыя (Bovidae) |
Падсямейства | Caprinae |
Род | Rupicapra |
Від | Серна |
Бінамінальная намэнклятура | |
Rupicapra rupicapra (Linnaeus, 1758) | |
Арэал | |
![]() | |
Арэал | |
Сустракаецца ў Эўропе і Заходняй Азіі (Азэрбайджан, Альбанія, Аўстрыя, Босьнія і Герцагавіна, Баўгарыя, Харватыя, Францыя, Грузія, Грэцыя, Італія, Нямеччына, Паўночная Македонія, Польшча, Румынія, Расея, Славаччына, Славенія, Сэрбія, Турэччына, Чарнагорыя, Швайцарыя); на вышынях 200-3500 м. Насяляе стромкія скалістыя ўчасткі пераважна у гарах, выкарыстоўваючы розныя асяроддзя пражываньня, уключаючы альпійскія лугі, адкрытыя скалістыя ўчасткі, зьмешаныя шыракалістыя лясы і іглічныя лясы.
Даўжыня галавы і тулава складае ад 110 да 130 см, хвост да 8 см, вышыня ў плячах ад 70 да 85 см, маса ад 25 да 40 кг (саміцы) або 35-50 кг (самцы). Серны маюць моцнае каржакаватае цела. Тонкая шыя мае кароткую галаву, якая вельмі вузкая да морды. У самцоў і саміц ёсьць рогі. Яны вырастаюць да 25 см у даўжыню і маюць круглую форму і загнутыя назад на кончыку. Серны рогі зімой не скідаюць. Завостраныя вушы складаюць прыкладна палову даўжыні галавы. У серны адносна доўгія моцныя ногі з адносна вялікімі капытамі. Улетку верх брудна-чырванавата-буры; ніз сьветла-чырванавата-жоўты; на сьпіне чорна-бурая паласа, на горле бледна-жоўтая, на шыі бялёса-жоўтая. Задняя частка сьцёгнаў белая, хвост зьнізу і на кончыку чорны. Ад вушэй да вачэй праходзіць чорная паласа. Зімой верх цёмна-буры або карычнева-чорны; ніз белы; валасяны полаг жаўтлява-белы на нагах і галаве, крыху цямней на цемені і мордзе.
Сілкуецца травой, лісьцем дрэў, пупышкамі, парасткамі і грыбамі. Саміцы выношваюць 170 дзён і звычайна маюць 1 дзіцяня за цяжарнасьць. Жывуць 14-22 гады. Саміцы і маладняк сустракаюцца зграямі па 5-30 жывёл, а дарослыя самцы застаюцца адзінкавымі.
![]() |
Гэта — накід артыкула па біялёгіі. Вы можаце дапамагчы Вікіпэдыі, пашырыўшы яго. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.