Рынгштрасэ

Рынгштра́сэ (па-нямецку: Ringstrasse) — замкнёны па колу грандыёзны бульвар, які служыць колцавай дарогай вакол гістарычнага раёну нутранага гораду Вены. Дарога разьмешчаная на месцах, дзе калісьці стаялі сярэднявечныя гарадзкія ўмацаваньні, уключаючы высокія сьцены і шырокія валы з адкрытым полем, перакрыжаванымі сьцежкамі, якія ляжалі перад імі.

Рынгштрасэ
вуліца
Агульная інфармацыя
Вуліца Рынгштрасэ ў Вікісховішчы

У 1850 годзе венскае прадмесьце Форштэтэ, якое сёньня ёсьць часткай раёнаў II і IX, было ўключанае ў склад гораду, што зрабіла гарадзкія сьцены перашкодай для руху транспарту. У 1857 годзе імпэратар Франц Ёсіф I выдаў дэкрэт, загадаўшы зьнесьці гарадзкія сьцены і равы, якія на той час сталі неэфэктыўнымі ў ахове гораду праз разьвіцьцё тэхнікі і тэхналёгіяў. У сваім дэкрэце ён выклаў дакладныя памеры бульвару, а таксама геаграфічнае становішча і функцыі новых будынкаў. Рынгштрасэ й заплянаваныя будынкі павінны былі стаць вітрынай велічы і славы імпэрыі Габсбургаў. На практычным узроўні будаўніцтва бульвараў у Парыжы францускім імпэратара Напалеонам III выявіла, наколькі эфэктыўным узбуйненьне і павелічэньне памераў вуліцаў ёсьць у барацьбе супраць рэвалюцыйных барыкадаў, адкрываючы іх для ўдараў артылерыі.

У выніку, з 1860-х па 1890-я гады ўздоўж Рынгштрасэ былі ўзьведзеныя шматлікія грамадзкія будынкі ў эклектычным гістарыстычным стылі, які часам называўся «стыль колцавай дарогі» (ням. Ringstraßenstil), выкарыстоўваючы элемэнты архітэктуры клясыкі, готыкі, рэнэсансу і барока^[1].

Праз сваю архітэктурную прыгажосьць і гістарычнасьць Рынгштрасэ быў увесены ў сьпіс сусьветнае спадчыны ЮНЭСКО^[2][3].

Крыніцы

1. «Historicism – the architectural style of the Ringstrasse». The World of the Habsburgs.
2. «Vienna's Ringstrasse: Lord of the ring roads celebrates 150 years». CNN.
3. «Historic Centre of Vienna». UNESCO World Heritage Centre.

Вонкавыя спасылкі

Рынгштрасэ — сховішча мультымэдыйных матэрыялаў

• Рынгштрасэ. Мапа і выявы. Vienna Unwrapped.
• Кола Вены. Werbeka.