Нючэпінскі замак

Нючэпінскі замак, або Нючэпінгсгус (па-швэдзку: Nyköpingshus, радзей па-швэдзку: Nyköpings slott) — фрагмэнтарна захаваны замак у швэдзкім горадзе Нючэпінг.

Замак
Нючэпінскі замак Nyköpingshus, Nyköpings slott

Краіна	Швэцыя
Месцазнаходжаньне	Нючэпінг, лэн Сёдэрманлянд
Каардынаты	58°44′55″ пн. ш. 17°00′42″ у. д.
Дата заснаваньня	XII стагодзьдзе
Дата пабудовы	XII стагодзьдзе
Статус	комплекс збудаваньняў у дзяржаўным рэестры^[d]^[1]
Сайт	sormlandsmuseum.se/… (швэд.)
Нючэпінскі замак на мапе Швэцыі Нючэпінскі замак
Нючэпінскі замак на Вікісховішчы

У XII стагодзьдзі ў Нючэпінгу ўзводзіцца фартэцыя тыпу кастэль, перабудаваная ў XIII стагодзьдзі ў замак. У далейшым гэты замак дадаткова ўмацоўваецца, што робіць яго адной з найбольш магутных фартэцыяў Швэцыі. Напачатку XIV стагодзьдзя, падчас барацьбы за ўладу ў краіне братоў Біргера, Эрыка і Вальдэмара, у Нючэпінскі замак быў спачатку пасаджаны кароль Біргер, а затым празь некалькі гадоў і яго браты Эрык і Вальдэмар, якія ў няволі былі замораны голадам. У выніку выкліканага сьмерцю Эрыка і Вальдэмара паўстаньня ў 1318 годзе замак быў разбураны.

Прыблізна праз 50 гадоў Нючэпінская фартэцыя аднаўляецца, і ў наступныя стагодзьдзі неаднаразова перабудоўваецца. У 1574 годзе яна становіцца рэзыдэнцыяй герцага Карла — будучага караля Швэцыі Карла IX, які на яе аснове ўзводзіць новы палац у стылі эпохі Адраджэньня.

У 1665 годзе Нючэпінскі замак моцна пацярпеў ад пажару, які зьнішчыў значную частку горада. Аднаўленчыя працы тады не праводзіліся, аднак у XVIII стагодзьдзі ўнутры крапасных валаў была пабудавана рэзыдэнцыя ляндзгёўдынга Сёдэрманлянду. Пазьней фартэцыя ізноў выкарыстоўвалася як турма. У XX стагодзьдзі частка будынкаў фартэцыі былі адноўлены, цяпер тут разьмяшчаецца Музэй Сёдэрманлянду й рэстарацыя.