![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/8d/POL_COA_D%25C4%2585browa.svg/langbe-tarask-640px-POL_COA_D%25C4%2585browa.svg.png&w=640&q=50)
Мікалай Кішка
From Wikipedia, the free encyclopedia
Мікалай Кішка (к. 1590[1] — 31 траўня 1644) — прадстаўнік магнацкага роду гербу «Дуброва». Падскарбі вялікі літоўскі.
![Thumb image](http://upload.wikimedia.org/wikipedia/commons/thumb/8/8d/POL_COA_D%C4%85browa.svg/640px-POL_COA_D%C4%85browa.svg.png)
Сын Станіслава Станіслававіча Кішкі і Альжбеты з Сапегаў, дачкі Паўла і Анны з Хадкевічаў. Жанкі: 1. Гэлена зь Лесьнавальскіх, дачка Яна і Эвы з Падлескіх, 2. Барбара з князяў Радзівілаў, дачка Вайцеха і Анны з Кэтлераў [1].
Ваявода дорпацкі з 1617 году, ваявода мсьціслаўскі з 1627 году, кашталян троцкі з 1636 году, падскарбі вялікі літоўскі з 1640 году, стараста магілёўскі ў 1644 годзе[1].
Перабудаваў у 1631 годзе ў Іўі Петрапаўлаўскі касьцёл і пры ім кляштар ордэна бэрнардынцаў. Ён ахвяраваў на карысьць кляштара 15 тысячаў польскіх злотых, а потым штогод на яго ўтрыманьне — па 200 злотых.
У 1603 годзе ад імя бацькі Станіслава Кішкі аддаў маёнтак Кажан-Гарадок (маёнтак ахопліваў мястэчка Кажан-Гарадок з праваслаўнай царквой, вёскі Бродніца, Бастынь, Вічын, Воля, Велута, Дварэц, Дрэпская Даліна, Кормуж, Ракітна, Цна і Язьвінкі) у заклад за 11 тыс. коп грошаў Ежы Самсону Падбярэскаму, а ў 1613 годзе ня выкупляючы з закладу, навечна прадаў таму ж Падбярэскаму за агульную суму ў 30 тыс. коп. грошай.