Менскі гарадзкі выканаўчы камітэт
From Wikipedia, the free encyclopedia
Ме́нскі гарадзкі́ выкана́ўчы камітэ́т — выканаўча-распарадчы орган мясцовага кіраваньня Менску, створаны ў сакавіку 1917 году.
Менскі гарадзкі выканаўчы камітэт | |
Даведка | |
---|---|
Скарот | Менскі гарвыканкам |
Дата ўтварэньня | сакавік 1917 году |
Від | гарадзкі |
Праўны стан | выканаўчы камітэт |
Задача | выкананьне мясцовага бюджэту |
Сядзіба | прасп. Незалежнасьці, д. 8[1] |
Месцазнаходжаньне | Маскоўскі раён Менску |
Каардынаты | 53°53′42″ пн. ш. 27°32′58″ у. д. |
Дзейнічае ў месцах | Менск |
Службовыя мовы | беларуская, расейская |
Старшыня | Уладзімер Кухараў |
1-ы намесьнік | Зьміцер Мікулёнак |
Намесьнікі | Аляксандар Дараховіч, Юры Трушчанка, Арцём Цуран |
Кіраўніца справамі | Ганна Мацельская[2] |
Галоўная ўправа | прэзыдэнт Беларусі |
Зьвязаныя службы | адміністрацыі 9 раёнаў |
Старонка ў сеціве | minsk.gov.by/be |
Паводле 21-га артыкула Статуту Менску 2001 году, «у сваёй дзейнасьці падсправаздачны і падкантрольны прэзыдэнту Рэспублікі Беларусь і Савету міністраў Рэспублікі Беларусь у пытаньнях, якія ўваходзяць у кампэтэнцыю Ўраду Рэспублікі Беларусь, а таксама адказны перад Саветам у пытаньнях, якія адносяцца да кампэтэнцыі Савету». Забясьпечвае гаспадарчае, грамадзкае і культурнае разьвіцьцё Менску, а таксама паляпшэньне стану навакольля ў горадзе. Згодна з 25-м артыкулам «рашэньні выканаўчага камітэту прымаюцца простай большасьцю галасоў ад яго складу, падпісваюцца старшынёй і кіраўніком справаў выканаўчага камітэту». У 26-м артыкуле вызначалася, што «старшыня прызначаецца на пасаду прэзыдэнтам Рэспублікі Беларусь і зацьвярджаецца Саветам» дэпутатаў Менску. Пры гэтым, «першы намесьнік, намесьнікі старшыні выканаўчага камітэту прызначаюцца на пасаду старшынёй выканкаму па ўзгадненьні з прэзыдэнтам» Беларусі. Тым часам, «паўнамоцтвы першага намесьніка, намесьнікаў старшыні вызначаюцца старшынёй». Паводле 28-га артыкула, паседжаньні Менскага гарвыканкаму ладзяць «прынамсі 2 разы на месяц». Яго паседжаньні «правамоцныя, калі ў іх прымае ўдзел прынамсі 2/3 ўстаноўленага складу выканкаму»[3].