места ў Славеніі From Wikipedia, the free encyclopedia
Марыбор (па-славенску: Maribor; па-нямецку: Marburg an der Drau) — горад на ўсходзе Славеніі, другі па велічыні горад краіны (насельніцтва гораду паводле перапісу 2002 г. — 101 847 чалавек, насельніцтва акругі — 110 668 чалавек). Марыбор разьмешчаны на рацэ Драва ля ўзножжа гары Пагор’е. Горад зьяўляецца цэнтрам гістарычнай вобласьці Ніжняя Штырыя. Горад вядомы з VIII ст. У 843 годзе ўвайшоў у склад Усходне-Францкага каралеўства. З 1282 году знаходзіўся ва ўладаньнях аўстрыйскіх Габсбургаў. З 1918 году быў у складзе Каралеўства сэрбаў, харватаў і славенцаў (з 1929 году — Каралеўства Югаславія). У 1941—1945 гадах горад быў акупаваны нямецкімі войскамі і ўключаны ў склад Трэцяга Райху. Вызвалены ў траўні 1945 году югаслаўскім войскам. З 1991 году месьціцца ў складзе незалежнай Славеніі.
Марыбор | |
славен. Maribor | |
![]() | |
Першыя згадкі: | 1164 |
Краіна: | Славенія |
Кіраўнік: | Андрэй Фіштравэц[d] |
Плошча: |
|
Вышыня: | 275 м н. у. м. |
Насельніцтва: | |
Тэлефонны код: | 02 |
Паштовы індэкс: | 2000 |
Нумарны знак: | MB |
Геаграфічныя каардынаты: | 46°33′0″ пн. ш. 15°38′0″ у. д. |
Марыбор на мапе Славеніі ![]() ![]() Марыбор | |
![]() | |
https://maribor.si/ |
У Марыборы налічваецца шмат гістарычных збудаваньняў. З рэшткаў гарадзкіх муроў, якія атачалі стары цэнтр гораду, найбольш прыкметнымі засталіся Судная, Воданапорная і Габрэйская вежы. Марыборская катэдра была пабудаваная ў гатычным стылі ў XIII стагодзьдзі. Марыборскую сынагогу пабудавалі ў XIV стагодзьдзі, што робіць яе другой найстарэйшай сынагогай Эўропы. Сёньня гэта цэнтар культурнай дзейнасьці. Іншымі вядомымі сярэднявечнымі будынкамі ёсьць Марыборскі замак, палац Бэтнава і руіны Верхняга замка Марыбору[2]. Ратуша была пабудаваная ў стылі рэнэсансу, а Чумная калёна — у стылі барока.
У пачатку XXI стагодзьдзя былі распрацаваныя пляны па будаўніцтве новага сучаснага дзелавога, жылога і забаўляльнага раёну пад назвай Драўская брама. Праект атрымаў мянушку Марыборскі Мангэтан. Праект уключаў мноства новых эксклюзіўных жылых кватэраў, офісаў і канфэрэнц-заляў, зялёную і рэкрэацыйную зону ды іншыя збудаваньні. Плянаваўся хмарачос вышынёю 111 мэтраў, што мусіў стаць найвышэйшым будынкам Славеніі. Празь недахоп фінансаў праект быў адкладзены.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.