Каін
From Wikipedia, the free encyclopedia
Каін (па-габрэйску: קין ад корня ק.נ.ה кана́, які мае значэньне «ствараць») — паводле біблейскага паданьня, старэйшы сын Адама й Евы, земляроб, які ад зайздрасьці забіў свайго роднага брата Авэля — пастуха за тое, што Бог прыняў дары апошняга, а яго дары адхіліў. За гэты ўчынак быў асуджаны й пракляты Богам. У паданьні пра забойства Каінам Авэля шэраг дасьледнікаў бачаць яскравае адлюстраваньне барацьбы земляробчых і жывёлагадоўчых этнічных групаў габрэйскага народу старажытнага часу.[4]