Белы палац
From Wikipedia, the free encyclopedia
Бе́лы пала́ц — палац у Берасьці, былая ўніяцкая царква сьв. Пятра і Паўла манастыра базылянаў. Стаў месцам падпісаньня Берасьцейскага міру 3 сакавіка 1918 году.
![Thumb](http://upload.wikimedia.org/wikipedia/commons/thumb/d/d9/%D0%91%D0%B5%D0%BB%D1%8B_%D0%BF%D0%B0%D0%BB%D0%B0%D1%86%2C_%D0%91%D0%9A.jpg/320px-%D0%91%D0%B5%D0%BB%D1%8B_%D0%BF%D0%B0%D0%BB%D0%B0%D1%86%2C_%D0%91%D0%9A.jpg)
Манастыр базылянаў быў заснаваны ў Берасьці ў 1629 годзе. Да 1631 г. з фундушу Габрыеля зь Ялец Ялецкага і мітрапаліта Язэпа Руцкага паўстаў драўляны будынак манастыра і царквы сьв. апосталаў Пятра і Паўла. З 1770 г. на месцы драўлянай царквы базыляне пачалі ўзьвядзеньне новай мураванай царквы ў стылі віленскага барока. Вежы яе, аднак, так і не былі закончаныя. Пасьля 1835 г. пры будаўніцтве Берасьцейскай крэпасьці базылянская царква сьв. апосталаў Пятра і Паўла была перабудавана пад афіцэрскае казыно.
![Thumb](http://upload.wikimedia.org/wikipedia/commons/thumb/9/9b/Biera%C5%9Bcie%2C_Bazylanski._%D0%91%D0%B5%D1%80%D0%B0%D1%81%D1%8C%D1%86%D0%B5%2C_%D0%91%D0%B0%D0%B7%D1%8B%D0%BB%D1%8F%D0%BD%D1%81%D0%BA%D1%96_%281835%29.jpg/640px-Biera%C5%9Bcie%2C_Bazylanski._%D0%91%D0%B5%D1%80%D0%B0%D1%81%D1%8C%D1%86%D0%B5%2C_%D0%91%D0%B0%D0%B7%D1%8B%D0%BB%D1%8F%D0%BD%D1%81%D0%BA%D1%96_%281835%29.jpg)
У час Першай сусьветнай вайны ў Берасьцейскай крэпасьці адбываліся мірныя перамовы паміж прадстаўнікамі Савецкай Расеі, з аднаго боку, і Цэнтральных дзяржаваў (Нямеччыны, Аўстра-Вугоршчыны, Турэччыны і Баўгарыі) — з другога, падчас якіх 9 лютага 1918 году была падпісана мірная дамова з УНР і якія завяршыліся падпісаньнем у Белым палацы 3 сакавіка 1918 году Берасьцейскай мірнай дамовы. У гэты час будынак атрымаў назву “Белы палац”.
Будынак пацярпеў у час Другой сусьветнай вайны. Падчас абароны Берасьцейскай крэпасьці 2 верасьня 1939 году ў выніку нямецкага авіяўдару будынак быў пашкоджаны. Асноўныя пашкоджаньні будынку былі нанесеныя падчас абароны Берасьцейскай крэпасьці у чэрвені—ліпені 1941 году. Аднак разабраны будынак быў толькі пасьля 1953 г.
Да нашага часу захаваліся толькі сутарэньні з падмуркамі і частка вонкавых сьцен, якія выяўляюць сакральны характар пабудовы. Руіны Белага палацу знаходзяцца насупраць уваходу ў Музэй абароны Берасьцейскай крэпасьці. У 1972 і 2019 гг. была праведзена іх кансэрвацыя.
![]() |
Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр 111Г000724 |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.