Ян Мікалай Масальскі

Ян Мікалай Масальскі (1728 — 27 студзеня 1763) — дзяржаўны і вайсковы дзяяч Вялікага Княства Літоўскага. Падчашы вялікі літоўскі (з 1756); палкоўнік літоўскай артылерыі (1748). Кавалер ордэна Белага Арла (1762).

Ян Мікалай Масальскі

Герб «Масальскі»
Асабістыя зьвесткі
Нарадзіўся	1728
Памёр	27 студзеня 1763
Род	Масальскія
Бацькі	Міхал Юзэф Масальскі Францішка з Агінскіх

Трымаў Ваўкавыскае і Радашкавіцкае староствы.

Біяграфія

З княскага роду Масальскіх гербу ўласнага, сын Міхала Юзэфа, гетмана вялікага, і Францішкі з Агінскіх. Меў братоў Юзэфа Адрыяна, Ігнація Якуба і Казімера Адрыяна.

Належаў да групоўкі Чартарыйскіх, супраціўнікаў караля і вялікага князя Аўгуста Саса. Абіраўся паслом на соймы 1744, 1746 і 1750. 20 сьнежня 1756 атрымаў урад падчашыя. Быў дэпутатам Галоўнага Трыбуналу ў 1761 і прэтэндаваў на пасаду ягонага маршалка. Аднак намаганьнямі палітычных супраціўнікаў яе не атрымаў, затое дамогся абяцаньня пасады маршалка наступнага Трыбуналу. Абіраўся дэпутатам Трыбуналу ў 1762 і ягоным маршалкам, але раптоўна памёр^[1].

Не ажаніўся і не пакінуў нашчадкаў.

Крыніцы

1. Ян Мікалай Масальскі // ВКЛ. Энцыкл. — Мн.: 2010 Т. 3. С. 342.

Літаратура

• Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2010. — Т. 3: Дадатак А — Я. — 690 с. — ISBN 978-985-11-0487-7