Саксон Граматык

Саксо́н Грама́тык (па-лацінску: Saxo Grammaticus, каля 1150 — 1220) — дацкі гісторык, аўтар грунтоўнае працы «Дзеі данаў» у шаснаццаці кнігах.

Саксон Граматык
па-лацінску: Saxo Grammaticus
Дата нараджэньня	каля 1150[1][2]
Месца нараджэньня	Зэляндыя[d], Данія[3]
Дата сьмерці	1220[4] або каля 1206[5][6]
Месца вучобы	Roskilde Katedralskole[d]
Занятак	гісторык, пісьменьнік
Навуковая сфэра	гісторыя
Вядомы як	аўтар «Дзеі данаў»
Саксон Граматык у Вікісховішчы

«Дзеі данаў» зьяўляюцца адначасова і адзінаю бясспрэчнаю крыніцаю ведаў пра самога Саксона. Адтуль мы даведваемся, што дзед і бацька гісторыка былі воінамі караля Вальдэмара I. Зь іншых крыніцаў таго часу, дзеўзгадваюцца асобы зь іменем Саксон (Saxo), толькі адна лічыцца (без упэўненасьці) датычнай да Саксона Граматыка — адпіс Капэнгагенскага арцыбіскупа Абсалёна, дзе нейкаму Саксону даруецца доўг у дзьве з паловаю маркі. Верагодна, Саксон працаваў у адміністрацыі Абсалёна. Выдатнае валоданьне лацінскаю моваю вымушае дасьледчыкаў думаць, што адукацыю Саксон атрымаў за межамі Даніі, магчыма ў Францыі.

Празваньне «Граматык» яму даў аўтар «Хронікі ютаў», складзенай каля 1342 году, выражаючы захапленьне ягонаю моваю.

Крыніцы

1. http://www.theodora.com/encyclopedia/s/saxo_grammaticus.html
2. JSTOR — 1995.
3. Chronica Jutensis (лац.) — 1431.
4. Deutsche Nationalbibliothek Record #118642251 // Gemeinsame Normdatei (ням.) — 2012—2016.
5. Saxo Grammaticus (анг.) // Encyclopædia Britannica: a dictionary of arts, sciences, literature and general information / H. Chisholm — 11 — New York, Cambridge, England: University Press, 1911. — Vol. 24.
6. Г. Ф. Саксон Грамматик (рас.) // Энциклопедический словарь — СПб: Брокгауз — Ефрон, 1900. — Т. XXVIIIа. — С. 105.