Мытны зьвяз ЭАЭЗ

Мытны зьвяз Эўразійскага эканамічнага зьвязу — адзіная мытная прастора, створаная 6 ліпеня 2010 г. у выніку Менскай дамовы аб Мытным кодэксе ад 27 лістапада 2009 году^[1].

Мытны зьвяз ЭАЭЗ
рас. Таможенный союз ЕАЭС
Абрэвіятура	МЗ ЭАЭЗ
Дата ўтварэньня	6 ліпеня 2010 (14 гадоў таму)
Тып	міжурадавая
Юрыдычны статус	міжнародная арганізацыя
Штаб-кватэра	Масква, Цэнтральная адміністрацыйная акруга, раён Замаскварэчча, вул. Летнікоўская, д. 2
Месцазнаходжаньне	Расея
Сяброўства	Армэнія, Беларусь, Казахстан, Кыргыстан і Расея
Афіцыйныя мовы	расейская
Старшыня Камісіі	Тыгран Саркісян
Кіроўны орган	Рада
Матчына кампанія	Эўразійскі эканамічны зьвяз
Сайт	eurasiancommission.org
Колішняя назва	Мытны зьвяз Беларусі, Казахстану і Расеі (да 1 студзеня 2015 г.)

Установы

• Рада. Складаецца з намесьнікаў старшыняў урадаў. Правамоцная пры ўдзеле ўсіх чальцоў. Ухваляе пастановы агульнай згодай. Зацьвярджае каштарыс, заробкі і колькасьць супрацоўнікаў. Дае даручэньні Калегіі.
• Калегія. Складаецца з 9 прызначаных на 4 гады прадстаўнікоў (па 3 ад кожнай дзяржавы). Зьбіраецца штотыдзень. Ухваляе пастановы 2/3 галасоў. Наглядае за выкананьнем дамоваў^[2].

Мінуўшчына

Пагадненьне аб мытным зьвязе тры дзяржавы перападпісвалі 4 разы (у 1995, 1999, 2002, 2008 гадах), з-пад дзеяньня якога Расея штораз выключала энэрганосьбіты^[3].

У 2012 годзе ўзаемны таваразварот Беларусі, Казахстану і Расеі склаў 12 % ад агульнага зьнешняга гандлю краінаў. Пагатоў для Беларусі гэты паказьнік дасягаў 48%, для Казахстану — 18%, для Расеі — 7%^[4]. 1 студзеня 2015 году Мытны зьвяз Беларусі, Казахстану і Расеі пераўтварылі ў Эўразійскі эканамічны зьвяз, да якога 2 студзеня 2015 году далучылася Армэнія. 12 жніўня 2015 году ўдзельнікам Мытнага зьвязу ЭАЭЗ стаў Кыргыстан.

Крыніцы

1. А.Лукашэнка, Н.Назарбаеў, Дз.Мядзьведзеў. Дамова аб Мытным кодэксе мытнага зьвяза (рас.) // Нацыянальны цэнтар прававой інфармацыі Рэспублікі Беларусь, 16 красавіка 2010 г. Праверана 16 жніўня 2013 г.
2. Дамова аб Эўразійскай эканамічнай камісіі. Масква, 18 лістапада 2011 г. (рас.) // НЦПІ Беларусі, 13 сьнежня 2011 г. Праверана 16 жніўня 2013 г.
3. Аляксей Мацэвіла. У чым сэнс «бессэнсоўнай паласы напружаньня» // Беларускае тэлеграфнае агенцтва, 6 кастрычніка 2010 г. Праверана 16 жніўня 2013 г.
4. Аляксандар Сінкевіч. Што тармозіць эўразійскую інтэграцыю // Зьвязда : газэта. — 16 кастрычніка 2013. — № 195 (27560). — С. 2. — ISSN 1990-763x.

Вонкавыя спасылкі

• Адзіны мытны тарыф Эўразійскага эканамічнага зьвязу (рас.) // Эўразійская эканамічная камісія, 16 лютага 2018 г. Праверана 23 траўня 2018 г.