Васьнева[2] — вёска ў Смалянскім сельсавеце Аршанскага раёну Віцебскай вобласьці. Знаходзіцца за 43 км на паўночны захад ад Воршы, за 3 км ад чыганачнага прыпынку Шыбекі й за 15 км ад чыгуначнай станцыі Смаляны на лініі Ворша — Лепель, за 5 км на поўнач ад рэспубліканскай аўтамабільнай дарогі Р15 (Ворша — Лепель), за 97 км ад Віцебску.
| Васьнева | |
| трансьліт. Vaśnieva | |
| Дата заснаваньня: | 17 ст. |
| Краіна: | Беларусь |
| Вобласьць: | Віцебская |
| Раён: | Аршанскі |
| Сельсавет: | Смалянскі |
| Насельніцтва: | 2 чал. (2018) |
| Часавы пас: | UTC+3 |
| Тэлефонны код: | +375 216 |
| Паштовы індэкс: | 211398[1] |
| СААТА: | 2236866011 |
| Нумарны знак: | 2 |
| Геаграфічныя каардынаты: | 54°39′27″ пн. ш. 29°55′39″ у. д. |
Васьнева на мапе Беларусі ±   Васьнева | |
Гісторыя
Вялікае Княства Літоўскае
Вёска вядома зь 17-га стагодзьдзя як уласнасьць Сангушкаў у Віцебскім павеце Віцебскага ваяводзтва Вялікага Княства Літоўскага.[3]
Пад уладай Расейскай імпэрыі
Пасьля 1-га (1772) падзелу Рэчы Паспалітай у Расейскай Імпэрыі, у складзе Аршанскай правінцыіі Магілёўскай губэрніі, Копыскі павет (1777—1796), з 1796 году ў Сеньненскім павеце Беларускай губэрніі, з 1802 году да 1861 году Копыскі павет і ў Сеньненскім павеце Магілёўскай губэрніі.
У 1880-х Соф'я Багушэўская і Паўліна Гаеўская валодалі 143 дзесяцінамі зямлі фальварку Васьнева[4].
У 1910 годзе ў Расьнянскай воласьці Сеньненскага павету Магілёўскай губэрні, сялянскай грамадзе належала 192 дзесяціны зямлі. Сяляне вёскі адносіліся да прыходу Вялікасельскай Прачысьценскай царквы (Сьвята-Усьпенскай)[5] й уваходзілі ў Вялікасельскае сялянскае таварыства. У фальварку Васьнева 160 дзесяцін зямлі належылі Францу Коржанеўскаму[6]
Найноўшы час
25 сакавіка 1918 году згодна з Трэцяй Устаўной граматай Васьнева абвяшчаліся часткай Беларускай Народнай Рэспублікі. 1 студзеня 1919 году згодна з пастановай І зьезду КП (б) Беларусі яны ўвайшлі ў склад Беларускай ССР, аднак 16 студзеня Масква адабрала вёску разам зь іншымі этнічна беларускімі тэрыторыямі ў склад РСФСР. 3 26 сакавіка 1919 году ў складзе Гомельскай, з 1920 году – Віцебскай губэрняў РСФСР. У сакавіку 1924 году Васьнева вярнулі БССР. 3 20 жніўня 1924 году да 1926 году вёска Васьнева ў Какоўчынскім сельсавеце Багушэўскага раёну Аршанскай акругі. У 1925 годзе годзе далучана да Шыбецкага сельсавету Коханаўскага раёну Аршанскай акругі (26.7.1930 г. акруга скасавана). 3 8 ліпеня 1931 году ў Аршанскім раёне. 3 20 лютага 1938 году ў Аршанскім раёне Віцебскай вобласьці.
У 1930-х гадах ўлады утварылі калгас «Брыгадзір»[7]. На Ўсесаюзнай сельскагаспадарчай выставе ў 1939 годзе быў прадстаўлены лепшы па ўраджайнасьці льновалакна калгас «Брыгадзір» Аршанскага раёна, Віцебскай вобласьці: старшыня калгаса, ардэнаносец Сяргей Фаміч Палітыка й лепшыя зьвенавыя па лёну — арганізатары барацьбы за высокі ўраджай лёну ў брыгадах — Тацяна Іванаўна Буракоўская й Марыя Майсееўна Буракоўская[8]. З ліпеня 1941 году да канца чэрвеня 1944 году акупавана нямецкімі войскамі, за гэты час загінулі 8 вайскоўцаў і мірных жыхароў вёскі. Па вызваленьні, вёска ў 1944 годзе далучана да калгаса «Чырвонае аб'яднаньне» з цэнтарам у вёсцы Шыбекі[9]3 16 ліпеня 1954 году вёска ў Смалянскім сельсавеце. 3 25 сьнежня 1962 Ў Талачынскім і з 12 лютага 1965 году зноў у Аршанскім раёнах.
Насельніцтва
- XXI стагодзьдзе: 2018 год — 2 чалавекі;
- XX стагодзьдзе: 1998 год — 7 гаспадарак 11 чалавек; 1959 год — 108 чалавек; 1925 год — 31 двор, 196 чалавек; 1926 год — 34 двары, 184 чалавекі; 1910 год — 21 двор, 76 мужчын, 85 жанчын; фальварак — 2 мужчыны й 3 жанчыны[6]
- XIX стагодзьдзе: 1857 год — 80 чалавек;[10]
Крыніцы
Літаратура
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
