фармат архіўных файлаў From Wikipedia, the free encyclopedia
RAR — фармат сьцісканьня дадзеных, які дазваляе памясьціць адзін або некалькі файлаў у архіў, а таксама праграма-архіватар.
RAR дазваляе ствараць шматтомныя архівы, якія складаюцца зь некалькіх файлаў, абараняць архівы паролем з шыфраваньнем AES-128, уключаць у склад архіву файлы з імёнамі ў Unicode, аднаўляць ігфармацыю з архіва нават пры пашкоджаньні цэласнасьці файла. Памер архіву ў фармаце RAR можа быць большым за 4 Гб. Вэрсія пад Microsoft Windows распаўсюджваецца ў складзе шматфарматнага архіватара з графічным інтэрфэйсам WinRAR.
Фармат распрацаваны расейскім праграмоўцам Яўгенам Рашалам (таму і назва — RAR: Roshal Archiver).
Праграма была напісана для спакаваньня/распакаваньня архіваў фармату RAR напачатку пад апэрацыйнай сыстэмай DOS. Потым зьявіліся вэрсіі пад іншыя апэрацыйныя сыстэмы.
Вэрсія пад Microsoft Windows распаўсюджваецца ўмоўна-бясплатна ў скаладзе шматплятформавага архіватару з графічным інтэрфэйсам WinRAR. Зыходны код распакоўшчыка выдадзены Рашалам пад ліцэнзіяй, якая дазваляе вольны распаўсюд і зьмены пры ўмове, што ён ня будзе выкарыстоўвацца для напісаньня сумяшчальнага распакоўшчыка,[1] хаця гэтая ліцэнзія і не зьяўляецца вольнай. Мэтодыка сьцісканьня застаецца закрытай. Праграма выкарыстоўвае альгарытм PPMd, што дазваляе дасягнуць добрых вынікаў сьцісканьня. Сумяшчальныя праграмы для распакоўваньня існуюць на шматлікіх плятформах, у прыватнасьці 7-Zip.
Для файлаў-архіваў фармату RAR звычайна выкарыстоўваецца пашырэньне .rar
і MIME-тып application/x-rar-compressed
.
Звычайна, сьцісканьне файлаў у фармат RAR займае больш часу, чымся пры выкарыстаньні старэйшых фарматаў ZIP ды gzip, але яно дае перавагу ў ступені сьцісканьня. Фармат 7z, які зьявіўся пазьней за RAR і заснаваны на альгарытме LZMA, вельмі падобны да апошняга і выкарыстоўвае той жа прынцып: ступень сьцісканьня істотна залежыць ад часу, напрацягу якога яно адбываецца.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.