Ян Міхал Завіша

Ян Міха́л Заві́ша (па-польску: Jan Michał Kieżgaiło Zawisza; 1658 — 20 траўня 1685) — дзяржаўны дзяяч Вялікага Княства Літоўскага, староста менскі.

Вікіпэдыя мае артыкулы пра іншых асобаў з прозьвішчам Завіша (неадназначнасьць).

Ян Міхал Завіша

Герб «Лебедзь»
Асабістыя зьвесткі
Нарадзіўся	1658(1658)
Памёр	20 траўня 1685 Менск
Пахаваны	Касьцёл Сьвятога Язэпа і кляштар бэрнардынаў
Род	Завішы
Бацькі	Андрэй Казімер Завіша Гэлена Аляксандра Агінская
Жонка	Роза Валадковіч

Біяграфія

З роду Завішаў прыдомак Кезгайла гербу «Лебедзь» зьменены (апроч лебедзя на шчыце белая пяціляпёсткавая ружа ў кароне), першы з чатырох сыноў Андрэя Казімера Завішы, пісара вялікага літоўскага, і Гэлены Аляксандры з Агінскіх, каштэлянкі троцкай. Ян Міхал ажаніўся з Розай Валадковіч гербу «Радван», дачкой Стэфана, падсудка менскага, і Розы Сьлізень. Па мячу яна была ўнучкай Марціна Казімера Валадковіча, пісара земскага менскага, і Гэлены Кастравіцкай, а па кудзелі — Стэфана Яна Сьлізьня, рэферэндара вялікага літоўскага і старосты крэўскага, і Зоф’і з Катлоў, дачкі войскага старадубскага. Старасьціч менскі па бацьку, пасьля там жа быў старостам гродавым. Памёр маладым на 27 годзе жыцьця ў Менску. Дзяцей не было. Пахаваны ў капліцы Завішаў у менскім бэрнардынскім касьцёле.

Літаратура

• Niesiecki K. Herbarz Polski, wyd. J.N. Bobrowicz, Lipsk 1839—1845
• Żychlіńskі T. Złota ksіęga szlachty polskіеj, Poznań, T.1-31. 1879—1908.