Язэп Корсак

Язэп Корсак^{[а 1]} (каля 1570—1643) — дзяржаўны дзяяч Вялікага Княства Літоўскага. Староста (з 1629) і ваявода амсьціслаўскі (з 1639)^[1].

Язэп Корсак

Язэп Корсак
Асабістыя зьвесткі
Нарадзіўся	к. 1570
Памёр	1643(1643)
Род	Корсакі
Бацькі	Леў Корсак Марыяна Падпіпента

Вікіпэдыя мае артыкулы пра іншых асобаў з прозьвішчам Корсак.

Валодаў Глыбокім, Перадоламі, Ластавічамі, Сьвіламі і Беразьвеччам у Полацкім ваяводзтве.

Біяграфія

Невядомы мастак, XVII ст.

Прадстаўнік беларускага^[2] шляхецкага роду Корсакаў гербу ўласнага («Катвіца зьмененая»), сын Льва Корсака і Марыяны Падпіпенты.

Ваяваў у 1610 пад Смаленскам, браў наступны ўдзел у выправах караля і вялікага князя Ўладзіслава Вазы на Маскву. У 1633 у часе вайны за Смаленск прыцягнуў за ўласны кошт жаўнераў і бараніў на чале іх Дзісенскі замак.

Фундаваў кляштары базылянаў у Беразьвеччы і кармэлітаў у Глыбокім.

Існавалі два партрэты Я. Корсака. Раньні — які захоўваўся родам Корсакаў, другі — пазьнейшы, які прэзэнтуе яго як фундатара кляштару кармэлітаў босых на тле касьцёла. Апошні да 1905 знаходзіўся ў парафіяльным касьцёле Глыбокага, а ў 1935 трапіў на продаж у Салёне Мастацтва ў Варшаве (вул. Вербная, 6).

У 2012 годзе ў Глыбокім усталяваны бюст Язэпа Корсака^[3].

Заўвагі

1. Іншая форма імя: Ёсіф Корсак

Крыніцы

1. Вячаслаў Насевіч. Корсакі // ЭГБ. — Мн.: 1997 Т. 4. С. 239.
2. Сяргей Казуля. Корсак Рафаіл // ВКЛ. Энцыкл. — Мн.: 2005 Т. 2. С. 649.
3. У Глыбокім паставілі помнікі сваім землякам

Літаратура

• Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0
• Энцыклапедыя гісторыі Беларусі. У 6 т. / Беларус. Энцыкл.; Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. — Мн.: БелЭн, 1997. — Т. 4: Кадэты — Ляшчэня. — 432 с. — ISBN 985-11-0041-2

Вонкавыя спасылкі

• Язэп Корсак. Westki.info. Праверана 30 красавіка 2011 г.