беларускі футбаліст From Wikipedia, the free encyclopedia
Сярге́й Руса́к (нарадзіўся 3 верасьня 1993 году) — беларускі футбаліст, паўабаронца «Макслайну».
Сяргей Русак | ||
Пэрсанальная інфармацыя | ||
---|---|---|
Нарадзіўся | 3 верасьня 1993[1] (30 гадоў) | |
Рост | 190 см | |
Вага | 85 кг[2] | |
Пазыцыя | паўабаронца | |
Клюбная інфармацыя | ||
Клюб | Макслайн | |
Клюбы | ||
Гады | Клюб | Гульні (галы)¹ |
2012—2014 | Менск-2 | 74 (7) |
2012—2017 | Менск | 48 (2) |
2018 | Тарпэда Менск | 22 (2) |
2019 | Факел | 8 (0) |
2019 | Паланга | 5 (0) |
2020 | Смалявічы | 4 (0) |
2020 | Слуцак | 5 (0) |
2021 | Белшына | 20 (5) |
2022—2024 | Слуцак | 52 (2) |
2024— | Макслайн |
З 2010 году выступаў за дубль футбольнага клюбу «Менск». 23 чэрвеня 2012 году дэбютаваў у Найвышэйшай лізе ў асноўнай камандзе «Менску», выйшаўшы на замену на 71-й хвіліне матчу супраць «Шахцёра». Неўзабаве пасьля дэбюта быў пераведзены ў фарм-клюб «Менск-2», у якім правёў два з паловай гады. З 2013 году разам зь «Менскам-2» гуляў у Першай лізе, здолеў замацавацца ў якасьці аднаго з ключавых гульцоў каманды. Па заканчэньні сэзону 2014 году «Менск-2» спыніў існаваньне, але Русак падоўжыў кантракт зь «мяшчанамі»[3] і быў пераведзены ў асноўную каманду, у складзе якой і пачаў сэзон 2015 году. Пачаў трывала зьяўляцца на полі ў Найвышэйшай лізе, чаргуючы выхады ў пачатковым складзе і на замену. Першую палову сэзону 2016 году прапусьціў праз траўмы, а пазьней вярнуўся ў асноўны склад. У першай палове сэзону 2017 году зьяўляўся на полі нерэгулярна, але потым замацаваўся ў якасьці асноўнага апорнага паўабаронцы менчукоў.
У лютым 2018 году па заканчэньні кантракта пакінуў «Менск»[4], пасьля чаго выправіўся на прагляд у «Гомель», аднак у выніку падпісаў кантракт зь менскім «Тарпэда»[5]. Здолеў замацавацца ў стартавым складзе каманды, у траўні 2018 году не гуляў праз траўмы. У лютым 2019 году знаходзіўся на праглядзе ў варонескім «Факеле» і ў выніку падпісаў кантракт[6]. Пакінуў каманду па заканчэньні сэзону 2018—2019 гадоў.
У верасьні 2019 году далучыўся да летувіскай «Палангі», дзе гуляў да сканчэньня сэзону, пасьля якога клюб за ўдзел у дамоўных матчах быў выпраўлены ў трэці дывізіён. У пачатку 2020 году праходзіў прагляд у «Віцебску», але беспасьпяхова. У сакавіку 2020 году стаў гульцом «Смалявічаў»[7], аднак зрэдку зьяўляўся на полі, у тым ліку праз траўмы. У жніўні 2020 году пакінуў смалявіцкі клюб[8].
У верасьні 2020 году далучыўся да «Слуцка»[9], дзе пачаў гуляць у першай адзінаццатцы. У сьнежні 2020 году пакінуў слуцкі клюб[10]. У пачатку 2021 году праходзіў прагляд у казаскім «Туране», а ў лютым далучыўся да бабруйскай «Белшыны», зь якой у сакавіку склаў працоўную дамову[11]. Хутка замацаваўся ў пачатковым складзе бабруйскай каманды, дапамог ёй паводле вынікаў сэзону 2021 году вярнуцца ў Найвышэйшую лігу. У сакавіку 2022 году вярнуўся ў «Слуцак»[12]. У складзе каманды пачаў пераважна выходзіць на замену. У лютым 2023 году падоўжыў кантракт са слуцкім клюбам[13]. У студзені 2024 году працягнуў супрацу з камандай[14]. У ліпені 2024 году, згуляўшы ў Найвышэйшай лізе 12 матчаў, абаронца далучыўся да віцебскага «Макслайну»[15].
Клюб | Сэзон | Чэмпіянат | ||
---|---|---|---|---|
Дывізіён | Матчы | Галы | ||
Менск | 2015 | Найвышэйшая ліга | 15 | 1 |
2016 | Найвышэйшая ліга | 10 | 0 | |
2017 | Найвышэйшая ліга | 22 | 1 | |
Тарпэда Менск | 2018 | Найвышэйшая ліга | 22 | 2 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.