Сэлтык Глазга

«Сэлтык» (па-ангельску: The Celtic Football Club) ― шатляндзкі футбольны клюб, які месьціца ў Глазга, у раёне Паркгэд. Прадстаўляе шатляндзкую Прэм’ер-лігу. Быў заснаваны ў 1887 годзе, але свой першы матч клюб правёў толькі ў 1888 годзе. «Сэлтык» станавіўся чэмпіёнам Шатляндыі 54 разы, і 42 раз перамагаў у Кубку Шатляндыі. Хатнія гульні праводзіць на стадыёне «Сэлтык Парк», які зьяўляецца самым вялікім па ўмяшчальнасьці футбольным стадыёнам Шатляндыі. Арэна месьціць 60 832 гледачы. Разам са сваімі галоўнымі супернікамі «Рэйнджарз» складаюць так званую Старую Фірму, якая зьяўляецца адным з самых вядомых спартовых супрацьстаяньняў у сьвеце. Традыцыйна гуляюць у паласатых зялёна-белых кашулях разам зь белымі шортамі й гетрамі.

Сэлтык
Заснаваны	1887
Горад	Глазга, Шатляндыя
Стадыён	Сэлтык Парк Умяшчальнасьць: 60 355
Кіраўнік	Дэрмат Дэзманд[d][1] і Ліндсэл Трэйн[d][1]
Галоўны трэнэр	Брэндан Роджэрз[2]
Чэмпіянат	Прэм’ер-ліга
· 2023—2024	1 месца
Хатнія колеры Выязныя колеры Трэція колеры
Галерэя здымкаў у Вікісховішчы celticfc.com (анг.) celticfc.com/japa… (яп.)

У 1967 годзе клюб стаў першым брытанскім і адзіным шатляндзкім клюбам, якія перамагалі ў Лізе чэмпіёнаў^[3]. У тым сэзоне клюб перамагаў ва ўсіх спаборніцтвах, у якіх прымаў удзел: чэмпіянат Шатляндыі, Кубак Шатляндыі, Кубак лігі Шатляндыі, Ліга чэмпіёнаў і Кубак Глазга. Праз тры сэзоны ў 1970 годзе клюб зноўку трапіў у фінал Лігі чэмпіёнаў, але на гэты раз атрымаў паразу зь лікам 1:2 на карысьць галяндзкага «Фэеноорду».

У 2003 годзе клюб дайшоў да фіналу Кубка УЭФА, але быў перайграны «Порту» зь лікам 2:3. На гэтую гульню з Глазга ў Сэвільлю, дзе праходзіў фінал, зьехаліся каля 80 000 аматараў шатляндзкага клюбу, але ня ўсе змаглі патрапіць на гульню^[4]. У красавіку 2008 году клюб налічваў 9 мільёнаў аматараў па ўсім сьвеце, адзін мільён зь якіх знаходзяцца ў Паўночнай Амэрыцы^[5].

Заснаваньне й гісторыя

Клюб быў заснаваны пры царкве Сьвятой Марыі ў Глазга ў раёне Кэлтану ірляндзкім сьвятаром братам Ўолфрыдам 6 лістапада ў 1887 годзе. Першапачаткова клюб стварыўся як сродак для збору грошаў для арганізацыі дабрачыннай дзейнасьці, каб дапамагчы дзецям зь бедных сямей. У вялікай ступені брат Ўолфрыд быў шмат у чым натхнёны прыкладам клюбу «Гібэрніян» з Эдынбургу, які быў сфармаваны зь імігрантаў ірляндзкага паходжаньня 13 гадоў таму. Сярод першых гульцоў клюбу сямёра былі з «Гібэрніяну». Назва клюбу была прапанавана братам Ўолфрыдам, каб адлюстраваць ірляндзкае й шатляндзкае паходжаньне клюбу.

28 траўня 1888 году клюб правёў сваю першую гульню супраць каманды «Рэйнджарз» і перамог зь лікам 5:2. Падчас станаўленьня футбалісты «Сэлтыка» гулялі ў белых кашулях зь зялёным каўняром, з выявай чырвонага кельцкага крыжу на грудзёх. У 1903 годзе клюб перайшоў на ўжываньне традыцыйнай формы: паласатыя бела-зялёныя кашулі.

Прэса Сэлтыку

У 1965 годзе «Сэлтык» пачаў друкаваць газэту The Celtic View, якая зьяўляецца найстарэйшым клюбнай футбольным пэрыядычным выданьнем^[6].

У 2004 годзе клюб запусьціў уласны лічбавы тэлеканал Celtic TV, які быў даступны ў Вялікабрытаніі праз тэлеканал Setanta Sports па спадарожнікавай і кабэльнай плятформе. Але ў сувязі з расфармаваньнем Setanta Sports у Вялікабрытаніі ў чэрвені 2009 году тэлеканал Celtic TV больш не вяшчае.

З 2002 году працуе інтэрнэт-тэлеканал клюбу Channel67 (вядомы раней як Celtic Replay).

Старая фірма й сэктанства

«Сэлтык» мае гістарычную сувязь з ірляндзкім і шатляндзкім народамі, якія зьяўляюцца па большай частцы каталікамі. Традыцыйна пыхільнікамі іншага клюбу з Глазга «Рэйнджарз» зьяўляюцца прадстаўнікі пратэстанцкага веравызнаньня й прыхільнікі Брытанскай уніі — шатлянцы й прадстаўнікі Паўночнай Ірляндыі. Як вынік такога разьмеркаваньня й напружанай палітычнай сытуацыі ў Паўночнай Ірляныі, напруга ў адносінах паміж абодвума клюбамі ўзмацнілася.

Але ў апошні час як «Сэлтык», так і «Рэйнджарз» прымаюць меры па барацьбе з сэктанствам, працуючы разам з парлямэнтам Шатляндыі, царкоўнымі групамі й грамадзянскімі арганізацыямі.

Дасягненьні

• Чэмпіён Шатляндыі: 54
  • 1893, 1894, 1896, 1898, 1905, 1906, 1907, 1908, 1909, 1910,
  • 1914, 1915, 1916, 1917, 1919, 1922, 1926, 1936, 1938, 1954,
  • 1966, 1967, 1968, 1969, 1970, 1971, 1972, 1973, 1974, 1977,
  • 1979, 1981, 1982, 1986, 1988, 1998, 2001, 2002, 2004, 2006,
  • 2007, 2008, 2012, 2013, 2014, 2015, 2016, 2017, 2018, 2019
  • 2020, 2022, 2023, 2024

• Уладальнікі Кубка Шатляндыі: 42
  • 1892, 1899, 1900, 1904, 1907, 1908, 1911, 1912, 1914, 1923,
  • 1925, 1927, 1931, 1933, 1937, 1951, 1954, 1965, 1967, 1969,
  • 1971, 1972, 1974, 1975, 1977, 1980, 1985, 1988, 1989, 1995,
  • 2001, 2004, 2005, 2007, 2011, 2013, 2017, 2018, 2019, 2020,
  • 2023, 2024

• Уладальнікі Кубка лігі Шатляндыі: 22
  • 1957, 1958, 1966, 1967, 1968, 1969, 1970, 1975, 1983, 1998,
  • 2000, 2001, 2006, 2009, 2015, 2017, 2018, 2019, 2020, 2022,
  • 2023, 2025

• Пераможца Лігі чэмпіёнаў: 1
  • 1967

Склад

Актуальны на 13 верасьня 2024 году

№ Пазыцыя Імя Год нараджэньня 1 Бр Каспэр Шмэйхэль 1986 2 Аб Алістэр Джонстан 1998 3 Аб Грэг Тэйлар 1997 5 Аб Ліям Скейлз 1998 6 Аб Остан Трасьці 1998 7 Нап Люіс Пальма 2000 8 Нап К’ёга Фурухасі 1995 9 Нап Адам Айда 2001 10 Нап Нікаляс Кюн 2000 11 Аб Алекс Вальле (ар. Барсэлёна) 2004 12 Бр Вільямі Сінісала 2001 13 Нап Ян Хён-Чун 2002 14 ПА Люк Макаўэн 1997 15 ПА Одын Т’ягу Гольм 2003

№ Пазыцыя Імя Год нараджэньня 16 ПА Джэймз Макарці 1990 17 Аб Маік Наўроцкі 2001 20 Аб Кэмэран Картэр-Вікерз 1997 27 ПА Арнэ Энгельс 2003 28 ПА Паўлу Бэрнарду 2002 29 Бр Скот Бэйн 1991 30 ПА Ліям Шоў 2001 38 Нап Дайдзэн Маэда 1997 41 ПА Рэо Хататэ 1997 42 ПА Калам Макгрэгар (капітан) 1993 49 Нап Джэймз Форэст 1991 54 Аб Адам Мантгомэры 2002 56 Аб Энтані Ралстан 1998 57 Аб Стывэн Ўэлш 2000

Індывідуальныя клюбныя рэкорды

Месца Імя й прозьвішча Пэрыяд кар’еры Колькасьць галоў 1 Джымі Макгроры 1922—1937 550 2 Бобі Ленакс 1961—1978 1979—1980 273 3 Гэнрык Лярсан 1997—2004 242 4 Стыві Чалмэрз 1958—1971 231 5 Джымі Кўін 1990—1917 217

Месца Імя й прозьвішча Пэрыяд кар’еры Колькасьць матчаў 1 Білі Макнэйл 1957—1975 790 2 Пол Макстэй 1981—1997 678 3 Рой Эйткен 1976—1990 669 4 Дэні Макгрэйн 1970—1987 661 5 Пэкі Бонэр 1978—1995 642

Крыніцы

1. http://www.4-traders.com/CELTIC-PLC-4002029/company/
2. https://www.transfermarkt.com/celtic-glasgow/mitarbeiterhistorie/verein/371
3. Сэлтык перамог у Лізе чэмпіёнаў у 1967 годзе. BBC Scotland
4. Сэлтык у Сэвільлі. Агляд Guardian
5. Сэлтык запускае крэдытныя карткі для амэрыканскіх фанаў. Scotland on Sunday. 11 April 2008
6. Celtic View

Вонкавыя спасылкі

• Афіцыйны сайт