Рэйнджарз Глазга

«Рэ́йнджарз» (па-ангельску: Rangers Football Club) ― шатляндзкі футбольны клюб з Глазга. Клюб мае мянушкі the Gers, Teddy Bears і, акрамя таго, Light Blues. Часам клюб называюць «Глазга Рэйнджарз», але слова Глазга ніколі не прысутнічала ў афіцыйным назове клюбу^[2]. Хатнія гульні праводзіць на стадыёне «Айбракс», які зьмяшчае 50 817 гледачоў, стадыён знаходзіцца ў паўднёва-заходняй частцы Глазга.

Рэйнджарз
Поўная назва	Rangers Football Club
Заснаваны	люты 1872
Горад	Глазга, Шатляндыя
Стадыён	Айбракс Умяшчальнасьць: 50 817
Галоўны трэнэр	Філіп Клеман[d][1]
Чэмпіянат	Прэм’ер-ліга
· 2023—2024	2 месца
Хатнія колеры Выязныя колеры Трэція колеры
Галерэя здымкаў у Вікісховішчы rangers.co.uk (анг.)

«Рэйнджарз» 55 разоў перамагаў у нацянальным чэмпіянаце: больш, чым хто-небудзь зь іншых клюбаў у сьвеце. 28 разоў станавіўся ўладальнікам Кубку лігі Шатляндыі, больш чым хто-небудзь у Шатляндыі, і 34 разы перамагаў у Кубку Шатляндыі. У 1961 годзе «Джарз» дайшоў да фіналу Кубку ўладальнікаў кубкаў, стаўшы такім чынам першым брытанскім клюбам дасягнуўшым фіналу эўрапейскіх кубкаў. У 1967 годзе клюб зноўку трапіў у фінал таго ж самага кубка, але таксама атрымаў паразу. І толькі ў 1972 годзе гэты трафэй знайшоў сваё месца ў клюбнай калекцыі. Акрамя таго ў 2008 годзе клюб дайшоў да фіналу Кубка УЭФА.

Клюб традыцыйна падтрымліваецца пратэстантамі й прыхільнікамі уніі з Ангельшчынай (юніяністы). Галоўным супернікам клюбу зьяўляецца «Сэлтык», тандэм двух клюбаў вядомы як Старая Фірма (Old Firm), гульні паміж гэтымі камандымі маюць назоў ― дэрбі Глазга.

Гісторыя

Чацьвёра заснавальнікаў клюбу ― браты Мойзэс і Пітэр Макнэйл, Пітэр Кэмпбэл і Ўіліям Макбіт ― стварылі футбольную каманду й далі ёй назоў па першым ўбачаным назове ў кніжцы^[3]. У траўні таго ж году прайшла першая гульня клюбу супраць каманды Callander F.C. на грамадзкім пляцы Glasgow Green, гульня скончылася зь лікам 0:0. Афіцыйнай датай заснаваньня клюбу лічыцца 15 ліпеня 1873 году, калі клюб правёў свой першы штогадовы сход. У 1877 годзе клюб дайшоў да фіналу Кубка Шатляндыі. Першае ў гісторыі дэрбі Старой Фірмы сталася ў 1888 годзе, у год заснаваньня «Сэлтыку». «Рэйнжарз» атрымалі паразу зь лікам 5:2. У сэзоне 1890―1891 гадоў «Джарз» стаў адным зь дзесяці ўдзельнікаў сфармаванай шатляндзкай футбольнай лігі. К гэтаму часу «Рэйнджарз» ужо гуляў на «Айбракс».

Ня здолеўшы атрымаць пагадненьня з крэдыторамі 14 чэрвеня 2012 году клюб быў вымушаны пачаць працэс банкруцтва^[4]. Ягоныя актывы былі прададзеныя новай кампаніі, Sevco Scotland Ltd, якая ў далейшым была перайменаваная ў Rangers Football Club Limited^[5]. Пасьля клюб быў зноўку далучаны да Шатляндзкай футбольнай асацыяцыі, прыняўшы шэраг ўмоваў, як то аднагадовую забарону на трансфэры. Заяўка на ўдзел у шатляндзкай Прэм’ер-лізе была адхіленая^[6], у дадатак да гэтага было вырашына разьмясьціць «Рэйнджарз» у ніжэйшым дывізіёне на пачатку сэзону 2012―2013 гадоў, а ня ў першы дывізіён, як спачатку плянавался^[7].

Дасягненьні

• Чэмпіён Шатляндыі: 55
  • 1891, 1899, 1900, 1901, 1902, 1911, 1912, 1913, 1918, 1920
  • 1921, 1923, 1924, 1925, 1927, 1928, 1929, 1930, 1931, 1933
  • 1934, 1935, 1937, 1939, 1947, 1949, 1950, 1953, 1956, 1957
  • 1959, 1961, 1963, 1964, 1975, 1976, 1978, 1987, 1989, 1990
  • 1991, 1992, 1993, 1994, 1995, 1996, 1997, 1999, 2000, 2003
  • 2005, 2009, 2010, 2011, 2021
• Уладальнікі Кубка Шатляндыі: 34
  • 1894, 1897, 1898, 1903, 1928, 1930, 1932, 1934, 1935, 1936
  • 1948, 1949, 1950, 1953, 1960, 1962, 1963, 1964, 1966, 1973
  • 1976, 1978, 1979, 1981, 1992, 1993, 1996, 1999, 2000, 2002
  • 2003, 2008, 2009, 2022
• Уладальнікі Кубка шатляндзкай лігі: 28
  • 1947, 1949, 1961, 1962, 1964, 1965, 1971, 1976, 1978, 1979
  • 1982, 1984, 1985, 1987, 1988, 1989, 1991, 1993, 1994, 1997
  • 1999, 2002, 2003, 2005, 2008, 2010, 2011, 2024
• Уладальнікі Кубка ўладальнікаў кубкаў: 1
  • 1972

Склад

Актуальны на 13 верасьня 2024 году

№ Пазыцыя Імя Год нараджэньня 1 Бр Джэк Батлэнд 1993 2 Аб Джэймз Тавэрньер (капітан) 1991 3 Аб Рыдван Ілмаз 2001 4 Аб Робін Прэпэр 1993 5 Аб Джон Сутар 1996 7 Нап Оскар Картэс (ар. Лянс) 2003 8 ПА Конар Бэран 2002 9 Нап Сырыл Дэсэрс 1994 10 ПА Маамэд Дыямандэ 2001 11 ПА Том Лоўрэнс 1994 14 ПА Нэдым Байрамі 1999 17 Нап Рабі Матонда 2000 18 Нап Вацлаў Чэрны (ар. Вольфсбург) 1997 19 Аб Клінтан Нсьяля 2004 20 ПА Кіран Даўэл 1997

№ Пазыцыя Імя Год нараджэньня 21 Аб Дуджон Стэрлінг 1999 22 Аб Жэфтэ Вітал 2003 24 Аб Нэрайша Касанвір’ё (ар. Фэеноорд) 2002 27 Аб Леон Балогун 1988 29 Нап Гамза Ігаман 2002 30 ПА Яніс Хаджы 1998 31 Бр Ліям Келі 1996 38 Аб Леан Кінг 2004 43 ПА Нікаля Раскін 2001 44 Аб Адам Дэвайн 2003 45 Нап Рос Макослэнд 2003 47 Аб Робі Фрэйзэр 2003 48 ПА Коўл Макінан 2003 51 ПА Алекс Лоўры 2003 99 Нап Данілу 1999

Крыніцы

1. https://www.transfermarkt.com/glasgow-rangers/mitarbeiterhistorie/verein/124
2. Glasgow Green.18 March 2009.Glasgow City Council
3. Заля славы.Rangers official website
4. Rangers in crisis: the final whistle sounds on Rangers’ 140 years of history. Telegraph
5. "Interim Report to Creditors" (pdf). Duff and Phelps.
6. "Rangers newco refused SPL entry after chairmen vote". BBC Sport
7. Marjoribanks, Brain (13 July 2012). "Get out of here! Rangers thrown down to third division after clubs vote against stricken club". Daily Mail

Вонкавыя спасылкі

• Афіцыйны сайт
• Rangers History Project
• Rangers Media