беларускі географ, краязнавец, публіцыст, нацыянальны дзяяч From Wikipedia, the free encyclopedia
Мікала́й Васі́льевіч А́збукін (1894, Бабруйск — 24 лістапада 1943?) — беларускі географ, краязнавец, публіцыст, дзяяч беларускага нацыянальнага руху.
Мікалай Азбукін | |
![]() | |
Дата нараджэньня | 16 (28) ліпеня 1894 |
---|---|
Месца нараджэньня | |
Дата сьмерці | 24 лістапада 1943 (49 гадоў) |
Месца вучобы | |
Занятак | краязнавец, эканаміст |
Навуковая сфэра | эканоміка |
Месца працы | |
Сябра ў | Беларускае культурна-асьветнае таварыства |
Паходзіў зь сям’і патомных дваранаў. У 1912—1917 гадах вучыўся ў Пецярбурскім унівэрсытэце. Пасьля сканчэньня вучобы выкладаў геаграфію і прыродазнаўства ў Бабруйскай гімназіі. Далучыўся да беларускага нацыянальнага руху, чалец камітэту Беларускага культурна-асьветнага таварыства ў Бабруйску. Падчас польскай акупацыі ў 1919 годзе арыштаваны.
Восеньню 1920 году стаў дырэктарам бабруйскай школы імя Янкі Купалы. Увесну 1921 году зноў арыштаваны ўжо савецкімі ўладамі па падазрэньні ў прыналежнасьці да партыі беларускіх эсэраў. З 1921 году працаваў у Менску: у Навукова-тэрміналягічнай камісіі Наркамасьветы БССР, у Інстытуце беларускай культуры, з 1929 году на катэдры геаграфіі БелАН.
У кнізе «Географія Эўропы» трактаваў Беларусь як самадастатковую краіну. Адзін з галоўных арганізатараў краязнаўчага руху ў Беларусі, сакратар Цэнтральнага бюро краязнаўства, першы рэдактар часопіса «Наш край». У пачатку 1928 году ў БССР існавала ўжо 301 краязнаўчая арганізацыя, якія аб’ядноўвалі 10 510 чалавек. Імклівае пашырэньне краязнаўчага руху, глыбока патрыятычнага па сутнасьці, выклікала занепакоенасьць камуністычных уладаў, і на краязнаўцаў абрынуліся рэпрэсіі. М. Азбукін быў арыштаваны 21 ліпеня 1930 году па абвінавачаньні ў прыналежнасьці да «Саюзу вызваленьня Беларусі» і па пастанове Калегіі АДПУ СССР ад 10 красавіка 1931 году высланы ў Налінск на 5 гадоў. Ёсьць зьвесткі, што зноў быў асуджаны ў 1937 годзе. Загінуў у 1943 годзе ў зьняволеньні. Паводле сьведчаньня Ю. Бібілы, расстраляны нібыта за спробу перайсьці мяжу на поўдні СССР. Рэабілітаваны 15 лістапада 1957 году Вярхоўным судом БССР.
Асноўныя працы прысьвечаныя вывучэньні геаграфіі Беларусі і іншых краінаў.
![]() |
Вікікрыніцы зьмяшчаюць арыгінальныя матэрыялы, датычныя тэмы артыкула: |
Мікалай Азбукін — сховішча мультымэдыйных матэрыялаў
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.