Жлобін (футбольны клюб)

«Жлобін» — футбольны клюб зь Беларусі. Паўстаў з клюбу «Камунальнік», што быў заснаваны ў 2003 годзе і расфармаваны ў 2008 годзе з прычыны незадаволенасьці вынікамі. Хатнія гульні ладзіць на стадыёне «Лякаматыў», што здольны зьмясьціць 1500 гледачоў і мае штучнае пакрыцьцё.

Жлобін
Поўная назва	Футбольны клюб «Жлобін»
Заснаваны	2008
Горад	Жлобін, Беларусь
Стадыён	Лякаматыў Умяшчальнасьць: 1500
Чэмпіянат	Другая ліга
· 2022	7 месца (Гомельскі дывізіён)

Гісторыя

У 1994—1996 гадах клюб з Жлобіна пад назвай «Энэргія» гуляў у Трэцяй лізе чэмпіянату Беларусі.

У 2003 годзе быў заснаваны клюб «Камунальнік», які з таго часу гуляў у Другой лізе чэмпіянату Беларусі. У 2006—2007 гадах клюб выступаў даволі пасьпяхова: быў адным з кандыдатаў на павышэньне, а ў 2007 годзе дайшоў да 1/8 фіналу Кубка Беларусі. Але празь фінансавыя цяжкасьці ў пачатку 2008 году клюб адмовіўся працягваць выступы ў Кубку. У 2008 годзе замест расфармаванага «Камунальніка» быў створаны «Жлобін», які стаў аўтсайдэрам Другой лігі. У сэзоне 2013 году каманда выступіла даволі пасьпяхова, атрымаўшы выніковы чацьверты радок.

Сэзон 2014 году каманда пачала пасьпяхова, хутка захапіўшы лідэрства ў групе А. Пазьней «Жлобін» саступіў першы радок у сваёй групе «Воршы», але працягваў упэўнена ўтрымліваць другі радок. Посьпех «Жлобіна» шмат у чым быў завязаны з выдатнымі бамбардзірскімі паказчыкамі нападніка Аміна Кургхелі, які 38 разоў улучыў мяч у брамы суперніркаў. У ліпені 2014 году калі клюб ужо рыхтаваўся да выступаў Першай лігі была прынятая новая эмблема клюбу^[1]. Выйшаўшы ў фінальны этап з другога месца ў сваёй групе, «Жлобін» спыніў сваю пасьпяховую сэрыю. У васьмі матчах фінальнага этапу клюб не атрымаў аніводнай перамогі і ў выніку апусьціўся на шосты радок.

У пачатку сэзону 2015 году клюб празь фінансавыя цяжкасьці пакінула значная колькасьць гульцоў, а найлепшы бамбардзір Амін Кургхелі перайшоў на працу арбітра. Як вынік, клюб блага пачаў розыгрыш, хутка апынуўшыся ў канцы табліцы. Улетку пасаду галоўнага трэнэра каманды заняў вэтэран клюбу Міхаіл Торап, і ў хуткім часе каманда стала атрымоўваць перамогі. Да самага апошняга тура першага этапу «Жлобін» захоўваў шанец на выхад у фінальны этап, але ў выніку заняў 6-е месца ў групе. На выязны пераходны матч супраць «Коласу» каманда не паехала, а ў хатняй сустрэчы саступіла зь лікам 2:3, такім чынам атрымала 12-ы выніковы радок у чэмпіянаце. Клюб не заявіўся ў другую лігу на сэзон 2016 году.

У пачатку 2020 году стала вядома, што «Жлобін» вяртаецца ў Другую лігу. У красавіку 2020 году жлобінская каманда трапіла ў канчатковы сьпіс удзельнікаў турніру^[2].

Статыстыка

Чэмпіянат і Кубак Беларусі

Сэзон	Ліга	Месца	Г	В	Н	П	РМ	Пкт	Кубак
2012	Другая	10	36	16	3	17	53–66	51	1/16
2013	Другая	4	24	13	2	9	47–48	41	1/16
2014	Другая	6	30	17	5	8	81–36	56	1/32
2015	Другая	12	20	9	1	10	37–43	28	1/32
2020	Другая	11	20	2	1	17	14–92	7	1/64
	Другая — за 21 месца	22	2	1	0	1	3–5
2021	Другая — Гомельскі	8	14	1	3	10	17–55	6	1/128
2022	Другая — Гомельскі	7	18	6	1	11	35–53	19	1/32
2023	Другая — Гомельскі								1/64

Галоўныя трэнэры

• Міхаіл Торап (2015)
• Віктар Іваноў (да 2015 году)
• Уладзімер Благадараў^[3]

Крыніцы

1. Знак отличия: ФК «Жлобин» обрёл новую эмблему
2. Утвержден формат проведения чемпионата страны во второй лиге
3. Новым главным тренером «Жлобина» стал Владимир Благодаров(недаступная спасылка) (рас.)

Вонкавыя спасылкі

• Афіцыйны сайт клюбу (рас.)