Дзьмітры Коўб
беларускі футбаліст From Wikipedia, the free encyclopedia
Дзьмітры Коўб (нар. 20 студзеня 1987 году, Менск) — колішні беларускі футбаліст, нападнік.
| Дзьмітры Коўб | ||
| Пэрсанальная інфармацыя | ||
|---|---|---|
| Нарадзіўся | 20 студзеня 1987[1] (37 гадоў) | |
| Рост | 183 см | |
| Вага | 74 кг | |
| Пазыцыя | нападнік | |
| Клюбы | ||
| Гады | Клюб | Гульні (галы)¹ |
| 2008—2011 | Белшына | 53 (18) |
| 2010 | → ДБК-Гомель[d] | 14 (6) |
| 2012 | Менск | 7 (0) |
| 2012 | Белшына | 12 (2) |
| 2013 | Дняпро Магілёў | 17 (2) |
| 2014 | Рытэрай | 31 (11) |
| 2015 | Віцебск | 12 (3) |
| 2015—2016 | Гарадзея | 19 (5) |
| 2017 | Транс Нарва | 14 (10) |
| 2017 | Пэнджаб[d] | 0 (0) |
| 2018 | Баранавічы | 9 (0) |
Кар’ера
Пачаў кар’еру ў Салігорску, дзе гуляў за дубль. У першай палове 2008 году выступаў за клюб-аўтсайдэр Другой лігі БДАТУ-«Ніва», дзе стаў найлепшым бамбардзірам. Улетку 2008 году перайшоў у бабруйскую «Белшыну». Добра праявіў сябе ў сэзоне 2011 году, забіўшы за сэзон 10 галоў. Пасьля гэтага сэзону перайшоў у якасьці свабоднага агента ў «Менск», але не замацаваўся ў асноўным складзе. У выніку ў канцы ліпеня 2012 году вярнуўся ў бабруйскі клюб.
У студзені 2013 году падпісаў кантракт з магілёўскім «Дняпро»[2]. Спачатку гуляў у асноўным складзе, але потым засеў на лаўцы запасных і толькі выходзіў на замену. У выніку па заканчэньні сэзону пакінуў клюб. У сакавіку 2014 году перайшоў у летувіскі клюб «Трокі»[3]. У складзе «Трокаў» у сэзоне 2014 году ўлучыў 11 галоў, пры гэтым аднойчы вызначыўся незвычайным сьвяткаваньнем гола[4]. У лютым 2015 году скасаваў кантракт зь летувіскім клюбам[5].
У лютым 2015 году падпісаў кантракт з клюбам «Віцебск»[6], які на той час вярнуўся ў Найвышэйшую лігу. Між тым, гулец пакінуў каманду ў ліпені гэтага ж году[7]. У канцы жніўня 2015 году падпісаў кантракт з «Гарадзеяй»[8], якой дапамог выйсьці ў Найвышэйшую лігу. У сьнежні 2015 году падоўжыў кантракт з клюбам[9]. У пачатку сэзону 2016 году зьяўляўся ў пачатковым складзе «Гарадзеі», але потым страціў месца ў асноўным складзе. Па заканчэньні сэзону 2016 году пакінуў «Гарадзею»[10].
У лютым 2017 году перайшоў у эстонскі клюб «Транс»[11]. За паўгады ў складзе эстонскай каманды забіў 10 галоў у 14 матчах. У верасьні 2017 году падпісаў кантракт з індыйскім клюбам «Мінэрва»[12], але ўжо ў лістападзе пакінуў каманду, бо ня быў заяўлены на чэмпіянат[13]. У пачатку 2018 году рыхтаваўся да новага сэзону з «Крумкачамі», аднак клюб ня здолеў атрымаць ліцэнзію на ўдзел у Найвышэйшай лізе. У выніку ў сакавіку 2018 году перайшоў у клюб «Баранавічы»[14], які пакінуў у ліпені 2018 году[15]. Завяршыў кар’еру пасьля сэзону 2018 году і перайшоў на трэнэрскую працу ў школу менскага «Дынама»[16].
Статыстыка
| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Віцебск | 2015 | Найвышэйшая ліга | 12 | 3 |
| Гарадзея | Першая ліга | 10 | 5 | |
| 2016 | Найвышэйшая ліга | 9 | 0 | |
| Баранавічы | 2018 | Першая ліга | 9 | 0 |
Крыніцы
Вонкавыя спасылкі
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
