Будынак гарадзкога тэатру (Магілёў)

Будынак гарадзкога тэатру — помнік архітэктуры канца XIX ст. у Магілёве. Знаходзіцца на Тэатральным пляцы^[a]. Твор архітэктуры расейскай эклектыкі. Аб’ект Дзяржаўнага сьпісу гістарычна-культурных каштоўнасьцяў Беларусі.

Помнік грамадзянскай архітэктуры
Будынак гарадзкога тэатру
Краіна	Беларусь
Горад	Магілёў
Каардынаты	53°53′50″ пн. ш. 30°19′59″ у. д.
Архітэктурны стыль	псэўдарускі стыль[d] і цагляны стыль[d]
Аўтар праекту	Пётар Камбураў[d]
Дата заснаваньня	1886
Будаваньне	1886—1888 гады
Будынак гарадзкога тэатру на мапе Беларусі Будынак гарадзкога тэатру
Будынак гарадзкога тэатру на Вікісховішчы

Гісторыя

Тэатар, 1901 г.

Мураваны тэатар у Магілёве збудавалі ў 1886—88 гадох паводле праекту эпархіяльнага архітэктара П. Камбурава і губэрнскага інжынэра Ў. Мільяноўскага^[1].

У 1954 годзе ў будынку разьмясьціўся новаўтвораны Магілёўскі абласны драматычны тэатар. У 1992—2001 гадох будынак знаходзіўся на рэканструкцыі. Спэктаклі праходзілі ў будынку былога Дому палітасьветы, не прыстасаванага для работы прафэсійнага тэатру. Цяпер у будынку зноў працуе Драматычны тэатар.

Архітэктура

Прыклад эклектычнай царкоўнай архітэктуры Расейскай імпэрыі. Мае складаную кампазыцыю аб’ёмаў. Цэнтральнае месца займае прастакутная ў пляне глядацкая заля (на 500 месцаў) з закругленай задняй сьцяной. На галоўным фасадзе выступаюць два вежападобныя чацьверыковыя аб’ёмы і тамбур з тэрасай над ім пры ўваходзе, да якога вядзе двухбаковая крывалінейная ў пляне лесьвіца^[2]. Вакол глядацкай залі групуюцца вэстыбюль, фае, кулюары, калідоры, службовыя памяшканьні. У архітэктурным разьвязку фасадаў спалучаецца адкрытая чырвоная муроўка зь белымі атынкаванымі дэталямі псэўдарускага стылю^[2] (зубчыкі, сухарыкі, абрамленьні аконных праёмаў і нішаў разнастайных формаў), гэтая аздоба дробная і вельмі шчыльна пакрывае роўніцы сьценаў^[2]. Інтэр’ер аздабляецца разьбой па дрэве.

Галерэя

Гістарычныя здымкі

• Старыя здымкі
• 
  1890-я гг.
• 
  1903 г.
• 
  1909 г.
• 
  18 чэрвеня 1917 г.

• 
  да 1918 г.
• 
  1918 г.
• 
  26 сакавіка 1918 г.
• 
  1922 г.

• 
  1941 г.
• 
  1941 г.
• 
  1942 г.
• 
  травень 1943 г.

Сучасныя здымкі

• Сучасны стан
• 
  Галоўны фасад
• 
  Задні фасад
• 
  З боку гістарычнай Шклоўскай вуліцы
• 
  З боку гістарычнай Шляхецкай вуліцы

Заўвагі

1. Цяперашні афіцыйны адрас — вуліца Першамайская, 7

Крыніцы

1. Чарняўская Т. Архітэктура Магілёва. — Менск, 1973. С. 51.
2. Лазука Б. Беларуская архітэктура XIX - пачатку XX стагоддзя // Гісторыя сусветнага мастацтва. Рускае і беларускае мастацтва XIX - пачатку XX стагоддзя. — Менск: Беларусь, 2011. — С. 337. — 431 с. — ISBN 978-985-01-0880-7

Вонкавыя спасылкі

Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  513Г000585

• Будынак гарадзкога тэатру ў Магілёве, Radzima.org